Book Name:Aarzi Thikana
حضرت عبد الله بن عباس رَضِىَ اللهُ عَـنْهما صحابئ رسول دے، د علمِ تفسير ډير لوئي ماهر وو، هغوئي ته سُلطَانُ المُفَسِّرِين وئيلے شي۔ يو ځل د رُوم بادشاه هغوئي ته خط راوليږلو او عجيبه شان پوښتنه يـې اوکړه، هغۀ ليکلي وو: د چا کره چې ميلمه راشي، آيا د هغۀ د پاره دا مناسب دي چې هغه ميلمه د کور نه اوباسي؟ (د هغه اِشاره د حضرت آدم عَلَیْهِ السَّلَام طرف ته وه چې هغوئي پۀ جَنَّت کښې وو، بيا الله پاک هغوئي ته زمکې ته د راتللو حکم اوکړو)۔
لکه څنګه چې پوښتنه نا اشنا وه، حضرت عبد الله بن عباس رَضِىَ اللهُ عَـنْهما جواب هم نا اشنا ورکړو، هغوئي هغه ته پۀ جواب کښې وليکل: ميلمه د کور نه ويستل خو مناسب نۀ دي، البته چې کله ميلمه کور ته راځي نو هغۀته وئيلے شي چي: د سفر جامې اوباسئ او ځان تازه کړئ! (يعنې مخ لاس وينځئ! د ځان نه دوړه وغيره وڅنډئ! که د بيتُ الخلاء حاجت وي نو پوره يـې کړئ!)، بيا به پۀ اطمينان سره پۀ دسترخوان کښينۍ۔
د الله پاک د حضرت آدم عَلَیْهِ السَّلَام د جَنَّت نه زمکې ته راکوزول هم پۀ دې حيثيت سره وو (يعنې وفرمائيلے شو! اے آدمه عَلَیْهِ السَّلَام ! زمکې ته لاړ شئ! ستاسو پۀ ملا مبارکه کښې چې کوم اولاد دے، پۀ هغوئي کښې چې کوم نالائقه دي، هغوئي هم هلته پريږدئ! دا بوج د ځان نه وغورځوئ بيا تاسو او ستاسو د جَنَّت لائق اولاد واپس تشريف راوړئ! بيا به پۀ سکون سره پۀ جَنَّت کښې اوسيږۍ)۔ ([1])
خوږو او محترمو اِسلامي وروڼو! د دې ځائے نه مونږ ته دا هم معلومه شوه چې ځينې خلق کوم چې دا وائي: ټول پۀ خپل خپل ځائے باندې ټيک دي۔ څوک چې پۀ کومه لار باندې ځي، کُفر کوي يا مسلمان اوسي، ټول ټيک دي۔ د هغوئي دا سوچ بالکل غلط دے۔ ټول