مسئله: پۀ نـمونځ کښې قومه او جلسه دواړه واجِب دي۔

وضاحت: د رکوع نه پس بالکل نيغ ودريدلو ته قومه وئيلے شي۔ او د دواړو سجدو ترمينځه ناستې ته جلسه وئيلے شي۔ دلته بعضې خلق نـمونځ زر زر کوي او قومه او جلسه پريږدي، يعنې د رکوع نه پس بالکل نيغ نۀ ودريږي، لږ شان ودريږي او فوراً سجدې ته ځي، دغه شان د دواړو سجدو ترمينځه نيغ نۀ کښيني، فوراً بلې سجدې له ځي۔ ياد ساتئ چې پۀ نـمونځ کښې قومه او جلسه دواړه جُدا جُدا واجب دي۔ پۀ نـمونځ کښې که پۀ دواړو کښې يوه هم پۀ هيره باندې پاتې شي نو سجده سهو لازم کيږي، او که قصداً عمداً پريښودے شي نو نـمونځ به بيا کول ضروري وي۔ ^([1])

الله پاک دې مونږ ته د صحيح اِسلامي احکامو د زده کولو او پۀ هغې باندې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

صَلُّوا عَلَی الْحَبیب! صَلَّی اللّٰہُ عَلٰی مُحَمَّد

د اَسمَاءُ الـحُسنیٰ برکتونه (وظيفه)

يَا صَمَدُ

څوک چې روزانه د الله پاک دا مبارک نوم يَا صَمَدُ  زر [1000] کرته لولي اِنْ شَآءَ اللہُ الْکَرِیم! پۀ دښمن باندې به فتح حاصله کړي۔ ^([2])

الله پاک دې مونږ ته د عمل کولو توفيق راعطا کړي۔

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

صَلُّوا عَلَی الْحَبیب! صَلَّی اللّٰہُ عَلٰی مُحَمَّد