پخپله سوچ اوکړئ چې * مونږه فاني يو نو د جګړې کولو نه څۀ فائده * چې مونږه فاني يو نو فخر او تکبر پۀ څۀ خبره * چې مونږه فاني يو نو پۀ حُسن، عقل او پيسه وغيره باندې د فخر کولو څۀ فائده * چې مونږه فاني يو۔۔۔! که هر څۀ اوکړو، اخر هم د دې دُنيا نه تلل دي نو دلته د زړۀ لګولو نه څۀ فائده * که زمونږه فالورز پۀ لکونو کښې وي او که پۀ کروړونو کښې، ضرور مړۀ کيدل دي، بيا د حُبِ جاه او د حُبِّ مدح يعنې د نوم او د شهرت پۀ محبت باندې به مونږه څۀ کوو؟

د اميرِ اهلِسُنَّت نا اشنا سوچ

 يو ځل شيخِ طريقت، اميرِ اهلِسُنَّت مولانا محمد الياس عطؔار قادري دَامَتْ بَرَکَاتُہُمُ الْعَالِیَه پۀ مدني مذاکره کښې د شرکت کولو د پاره تياري کوله، هٰغه وخت يو اِسلامي ورور پۀ موبائل د هغوئي نه تصوير وويستو (پۀ موبائل باندې چې کوم تصوير ويستلےکيږي، دا جائز دے، د څو پورې چې د دې نه پرنټ وه نۀ ويستلے شي نو اِسلامي ورور د هغوئي نه تصوير وويستو) او هغوئي ته يـې وښودلو۔ اميرِ اهلِسُنَّت دَامَتْ بَرَکَاتُہُمُ الْعَالِیَه فرمائي: زما هٰغه خپل تصوير ډير خوښ شو، بيا مې ورسره سوچ اوکړو چې دا ښکلے مخ به يوه ورځ قبر ته کوز شي۔ فرمائي: پۀ دې سوچ کولو زما پۀ سترګو کښې اوښکې راغلې۔

اَللہُ اَکْبَر! دا حقيقت دے۔ چې مونږه فاني يو، يوه ورځ قبر ته ضرور کوزيدل دي، پته نۀ لګي چې زمونږه قبر به د جَنَّت باغ وي که مَعَاذَ الله! د دوزخ کنده به جوړيږي۔ چې معامله داسې ده نو بيا پۀ غرور، تکبر او فخر وغيره کښې د پريوتو څۀ فائده۔۔۔!! بس سر ښکته کړئ! پۀ عاجزۍ او اِنکسارۍ سره، څۀ چې الله پاک درکړي دي، پۀ هغې باندې پۀ راضي اوسئ ، د حرص او د هوس نه پۀ بچ کيدو سره ژوند تير کړئ۔ پۀ دې کښې خير دے، پۀ دې کښې زمونږه بهتري ده۔

دنیا فانی ہے اہلِ دنیا فانی​                  شہر و بازار و کوہ و صحرا فانی​