ہم اور فضولیات

پیارے اسلامی بھائیو! یہ کامِل مؤمن کی نشانی ہے، کامِل مؤمن وقت کا قدردان ہوتا ہے، اپنے قیمتی وقت کو فضول کاموں میں نہیں گنواتا۔ مگر افسوس! آج ہم مسلمانوں  کی حالت بہت نازُک ہے، فضولیات کی انتہائی کثرت ہے، جسے دیکھو اپنا وقت برباد کرنے میں لگا ہوا ہے *کبھی سالگرہ کے نام پر *کبھی نیوائیر نائٹ کے نام پر *کبھی اَیْنِی وَرْسَرِیْ (Anniversary) کے نام پر *کبھی پکنک(Picnic) کے نام پر گُنَاہوں بھرے فنکشنز(Functions) رکھے جاتے ہیں، کئی کئی گھنٹے فضولیات نہیں بلکہ گُنَاہوں کی نذر کر دئیے جاتے ہیں *یقیناً سالگرہ کرنا کوئی گُنَاہ کا کام نہیں ہے مگر ہمارے ہاں اس کا جو انداز اپنا لیا گیا ہے، یہ فضولیات بلکہ گُنَاہوں والا ہے*آہ! آج مسلمانوں کا مقصدِ حیات صِرْف کھاؤ، پیو اور جان بناؤ ہی بن کر رہ گیا ہے *دوستوں کی بیٹھکیں ہیں *ہوٹلنگ(Hotelling) کی کثرت ہے *کئی کئی گھنٹے بلکہ راتوں کی راتیں خوش گپیوں کی نذر کر دی جاتی ہے*پِھر رہی سہی کسر موبائل اور سوشل میڈیا نے نکال دی ہے *ایک وقت تھا، جب نادان بچے والدَین سے چُھپ چُھپ کر ویڈیو گیمز کھیلتے تھے*گھر پر تو اس کے اسباب ہی نہیں تھے، بچے باہَر دُکانوں پر جاتے تھے اور اس میں بھی ڈر ہوتا تھا کہ کہیں اَبُّو دیکھ نہ لیں، کوئی عزیز دیکھ کر میری شکایت ہی نہ لگا دے*اب یہ حالت ہے کہ والدین خُود بچوں کو ویڈیو گیمز کا سامان لا کر دیتے ہیں *بلکہ اب تو خود بھی کھیلتے ہیں *عجیب و غریب قسم کی اَخْلاق بگاڑنے والی گیمز آچکی ہیں *کیا بچے، کیا جوان، اَوْلاد، والدین سب لگے ہوئے ہیں *فیس بُک، یوٹیوب پر پوسٹیں دیکھتے رہتے ہیں، ریلز(Reels)، شارٹس(Shorts) دیکھتے رہتے ہیں *فضول سکرولنگ(Scrolling)