گی، وحشت و تنہائی ہو گی مگر تم نے  اپنے اعمال کا  برتن نیکیوں سے بھرا ہو گا تو دُنیا سے واپس جاتے ہوئے ڈرنا نہیں پڑے گا۔

دُعاؤں کی کثرت کیجیے!

(4): چوتھا نیک عمل جو جنّت میں لے جائے گا، وہ ہے: دُعاؤں کی کثرت۔^([1]) حضرت انس  رَضِیَ اللہ عنہ  سے روایت ہے، محبوبِ ذیشان، مکی مدنی سلطان  صَلَّی اللہ عَلَیْہِ وَ آلِہٖ وَ سَلَّم  نے فرمایا: جو اللہ پاک سے 3مرتبہ جنّت مانگے، جنّت خُود کہتی ہے: اے اللہ پاک! اسے جنّت میں داخِل فرما دے۔^([2])

سُبْحٰنَ اللہ!اَلحمدُ للہ! ماہِ رمضان ہے، ویسے بھی دُعاؤں کا مہینا ہے، خوب دُعائیں کیجیے! اللہ پاک سے بخشش مانگئے، جنّت مانگئے، جنت میں آقا  صَلَّی اللہ عَلَیْہِ وَ آلِہٖ وَ سَلَّم  کا پڑوس مانگئے، اِنْ شَآءَ اللہ الْکَرِیْم! رحمتِ اِلٰہی نصیب ہو گی۔ اللہ پاک نے چاہا تو شفاعتِ مصطفےٰ کے صدقے جنّت ٹھکانا بن جائے گا۔  

نیک لوگوں سے محبّت

(5): جنّت میں لے جانے والا پانچواں کام ہے: نیک لوگوں کی محبّت۔^([3]) حدیثِ پاک میں ہے: اَلْمَرْءُ مَعْ مَنْ اَحَبَّ یَوْمَ الْقِیَامَۃِ  آدمی روزِ قیامت اسی کے ساتھ ہو گا، جس سے محبّت کرتا ہو گا۔^([4])