سعادت مند څوک؟

Al Quran Books Madani Channel

Magazine Courses Media

د قيامت پۀ ورځ د دويم قِسم خلق کوم چې به سَعيِد وي، د هغوئي انجام به څۀ وي؟ الله پاک فرمائي:

وَ اَمَّا الَّذِیْنَ سُعِدُوْا فَفِی الْجَنَّةِ خٰلِدِیْنَ فِیْهَا مَا دَامَتِ السَّمٰوٰتُ وَ الْاَرْضُ اِلَّا مَا شَآءَ رَبُّكَؕ-عَطَآءً غَیْرَ مَجْذُوْذٍ(۱۰۸) (پارہ:12، سورۀ هود:108)

ترجمهٴ کنزُ العِرفان: او هٰغه خلق کوم چې به خوش نصيبه وي هغوئي به پۀ جَنَّت کښې وي هميشه به پکښې اوسيږي تر څو چې زمکه او اسمان موجود وي خو څۀ چې ستا رب غواړي دا داسې ورکړه ده چې کله به هُم نۀ ختميږي۔

يعنې کوم چې سعادت مند خلق وي، هغوئي به هميشه هميشه پۀ جَنَّت کښې اوسيږي او بعضې به هٰغه ګنهګاران وي کوم چې به د خپلو ګناهونو پۀ وجه د څۀ مودې پورې پۀ دوزخ کښې وي، بيا به هغوئي هم جَنَّت ته داخِل کړے شي۔ دا د الله پاک عطا ده، د هغۀ کرم او رحمت دے کوم چې به چرې هم نۀ ختميږي۔ ^{(^[1])}

د سعادت مند نخښې

خوږو او محترمو اِسلامي وروڼو! د دې آيتونو مبارکو نه مونږ ته د زدکړې د پاره ډير څۀ ميلاؤيږي چې کامياب هغه دے کوم چې به د قيامت پۀ ورځ سعادت مند وي، څوک چې سعادت مند نۀ دے، شَقِي دے، بد بخته دے، هغه به د دوزخ حقدار شي۔ الله پاک دې مونږ د داسې محرومۍ نه محفوظ وساتي، رَمَضَانُ المُبَارَک تشريف راوړے دے، مونږ له پکار دي چې د دې مبارکې مياشتې پۀ برکت ځان پۀ سعادت مندو خلقو کښې د شاملولو کوشش اوکړو۔ سعادت مند څوک دي؟ د داسې خوش قِسمته خلقو نخښې څۀ دي؟ دا مونږه اورو او د اوريدو سره مونږ له کوشش کول دي چې پۀ دې نخښو، دا د سعادت مندو والا انداز پۀ خپلولو مونږ هم ځان پۀ سعيد خلقو کښې شامل کړو۔

[1]... تفسیر صراط الجنان، پارہ:12، سورۂ ھود، زیر آیت:108، جلد:4، صفحہ:501 خلاصۃً۔

Important

Mobile Apps

Contact Us