چا ته چې الله پاک د رحمت نظر وفرمائي، هغۀ له به چرې هم عذاب نۀ ورکوي ^([1])* په رَمَضَانُ المُبَارَک کښې د روژه ماتي پۀ وخت  هره ورځ 10 لاکهه ګنهګاران بخښلے کيږي او د جُمعې پۀ شپه او د جُمعې پۀ ورځ (يعنې د زيارت پۀ ورځ د نـمر پريوتو نه د جُمعې د ورځې نـمر پريوتو پورې) پۀ هر يو ساعت کښې 10، 10 لاکهه کَسان بخښلے کيږي او دا ټول  به هٰغه کَسان وي پۀ کومو باندې چې دوزخ واجب شوے وي۔ ^([2]) بيا چې کله د رَمَضَانُ المُبَارَک 29 شپه راشي نو پۀ ټوله مياشت کښې چې څومره د دوزخ نه ازاد کړے شوي وي، د هغوئي د مجموعې برابر پۀ دغه يوه شپه کښې ازادولے شي۔ ^([3])

سُبْحٰنَ اللہ! څومره ښکلے شان دے د رَمَضَانُ المُبَارَک۔۔۔!! الله پاک دې زمونږه د رَمَضَانُ المُبَارَک د مياشتې د برکتونو حاصلولو، د دې ماهِ ذِيشان  د ښۀ ډير اِحترام کولو او د ښۀ ډيرو نيکو کولو توفيق راعطا کړي۔  اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

صَلُّوا عَلَی الْحَبیب!                  صَلَّی اللّٰہُ عَلٰی مُحَمَّد

د آيت مبارک وضاحت

خوږو او محترمو اِسلامي وروڼو! د رَمَضَانُ المُبَارَک نصيب کيدل هم لوئي رحمت او سعادت دے، البته ډير محرومه دے هٰغه اِنسان کوم چې د روژې مياشت ومومي خو پۀ دې کښې پۀ نيک کارونو کولو ځان اونۀ بخښلے شي۔ مونږ پۀ شروع کښې د 12 سيپارې، د سُورۀ هُود آيت: 108 د اوريدو سعادت حاصل کړو، د سُورۀ هُود پۀ دې ځائے کښې (يعنې آيت: 108 او د دې نه وړاندې پۀ يو څو آيتونو کښې) د خلقو دوه قِسمونه بيان کړے شوي دي، اِرشاد دے: