Book Name:Sayida Kainat Ke 3 Mamoolat
(2): سَيِّدۀ پاک رَضِىَ اللهُ عَـنْها او د تِلاوت کثرت
خوږو او محترمو اِسلامي وروڼو! د حضرت بي بي فاطِـمةُ الـزَهراء رَضِىَ اللهُ عَـنْها پۀ سيرت مبارک کښې دا هم دي چې هغې به ډير زيات تِلاوت کولو۔ حضرت سلمان فارسي رَضِىَ اللهُ عَـنْهُ فرمائي چې زۀ يو ځل د حضور پر نُور، شافِعِ يومُ النُّشور صَلَّى اللهُ عَلَيْهِ وَاٰلِهٖ وَسَلَّم پۀ حُکم د سَيِّده فاطمه رَضِىَ اللهُ عَـنْها پۀ خِدمت کښې حاضر شوم۔ ما وکتل چې حضراتِ حَسَنَينِ کريمين رَضِىَ اللهُ عَـنْهما اودۀ وو او حضرت فاطمه رَضِىَ اللهُ عَـنْها هغوئي ته ببوزے وهلو او پۀ ژبه يـې د الله پاک د کلام تِلاوت جاري وو۔ پۀ دې ليدو پۀ ما باندې يو خاص جذباتي حالت راغلو۔ ([1])
خوږو او محترمو اِسلامي وروڼو! اَلْحَمْدُ لِلّٰہ! د رمضان مياشت د قرآنِ پاک د نازليدو مياشت ده، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ معمولاتو کښې دي چې هغوئي به د رمضان پۀ مياشت کښې ډير زيات تِلاوت کولو۔ دغه شان به د الله پاک نيکانو بندګانو هم پۀ عامو ورځو کښې خو تِلاوت کولو خو پۀ رَمَضَانُ المُبَارَک کښې به د هغوئي د تِلاوت کولو شوق نور هم زياتيدلو * بعضې اوليائے کرامو به پۀ رَمَضَانُ المُبَارَک کښې پۀ دريو شپو کښې يو ځل د قرآنِ پاک ختم کولو * حضرت اَسوَد رَحْمَةُ اللهِ عَلَيْه به د رَمَضَانُ المُبَارَک پۀ هرو دوو شپو کښې يو ځل د قرآنِ کريم ختم کولو * د اِمام نخعي رَحْمَةُ اللهِ عَلَيْه معمول مبارک داسې وو چې هغوئي به د رَمَضَانُ المُبَارَک پۀ وړومبو 20 ورځو کښې پۀ هرو دريو شپو کښې يو ځل د قرآنِ کريم ختم کولو او پۀ اخرۍ عشره کښې به يـې پۀ 2 شپو کښې يو ځل د قرآنِ کريم ختم کولو * حضرت قتاده رَضِىَ اللهُ عَـنْهُ به هميشه (يعنې د کال پۀ عامو ورځو کښې) پۀ 7 ورځو کښې يو ځل د قرآنِ پاک ختم کولو خو چې رَمَضَانُ المُبَارَک به راغلو نو د هغوئي د تِلاوت کولو شوق به نور هم زيات شو او هغوئي به پۀ هرو دريو