الله پاک دې مونږ ټولو ته رمضان  پۀ ښه انداز کښې * د الله پاک د رضا والا  کارونو کولو * د هر ساعت د قدر کولو * پۀ نيکو کښې * پۀ عبادتونو کښې * پۀ ذِکر او فِکر کښې * د قبر پۀ يادولو * د مدينے منورې د يادونو پۀ زړۀ کښې د دِيره کولو * د ښه اخلاقو پۀ څرګندولو * د مور او پلار پۀ ادب کولو * د خپلوانو دوستانو سره د نيکۍ پۀ کولو * د ګاؤنډيانو پۀ حقونو ادا کولو * د غريبانو پۀ مدد کولو کښې د تيرولو او د رَمَضَانُ المُبَارَک د ښه ډير فيضان حاصلولو توفيق راعطا کړي۔

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

میں رحمت، مغفرت، دوزخ سے آزادی کا سائِل ہوں

مَہِ رمضان کے صدقے میں فرما دے کرم مولیٰ!^([1])

خوږو او محترمو اِسلامي وروڼو! پۀ دريم رَمَضَانُ المُبَارَک د سَيِّدۀ کائنات سَيِّده فاطمـةُ الـزهراء رَضِىَ اللهُ عَـنْها د وصال ورځ ده.

  د سَيِّده فاطمـةُ الـزهراء رَضِىَ اللهُ عَـنْها مختصر تعارف

حضرت فاطمـةُ الـزهراء رَضِىَ اللهُ عَـنْها زمونږ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د ټولو کشرۍ لور او خوږه شهزادګۍ ده۔ * هغې رَضِىَ اللهُ عَـنْها پۀ مکه مکرمه کښې دُنيا ته تشريف راوړے۔ * د هغې رَضِىَ اللهُ عَـنْها نوم مبارک فاطمه الله پاک کيښودے۔ پۀ حديثِ پاک کښې دي: بے شکه زما د لور نوم الله پاک فاطمه کيښودے ځکه چې دا الله پاک د دوزخ نه لرې کړې ده۔ ^([2])  * او پۀ يو بَل حديثِ پاک کښې دي: د دې نوم فاطمه کيښودے شوے ځکه چې الله پاک دا او د دې سره عقيدت لرونکي د دوزخ نه ازاد کړي دي۔ ^([3])