واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَلُّو ْا عَلَي الْحَبيب!                                                                                              صَلَّي الله عَلٰي مُحَمَّد

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! ستاسو دې ډير ډير مبارک شي۔۔۔! د الله پاک پۀ کرم سره، د هغۀ پۀ فضل او اِحسان سره يو ځل بيا رَمَضَانُ المُبَارَک تشريف راوړے دے۔  يقيناً چې خوش قِسمته دي هٰغه خلق کوم چې د ظاهري او باطِني ادابو سره روژې نيسي او د زړۀ پۀ خوشحالۍ 20 رکعته تروايح کوي، د پيشمني او د روژه ماتې برکتونه او د رَمَضَانُ المُبَارَک سپرلي حاصلوي او ډير بد قِسمته دي هٰغه خلق کوم چې پۀ دې مبارکو ساعتونو کښې د نيکو نه محرومه دي، روژې نۀ نيسي، تراويح نۀ کوي يا که کوي يـې هم نو پوره يـې نۀ کوي، د بخښنې او مغفرت او د رحمت پۀ دې عظيم الشانه مياشت کښې هم د الله پاک او د رسولِ کريم صَلَّى اللهُ عَلَيْهِ وَاٰلِهٖ وَسَلَّم د رضا والا کارونو نه لرې دي۔ د دواړو جهانو سلطان، شهنشاه کون و مکان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما اُمت به ذليله او رسوا کيږي نۀ تر څو پورې چې د روژې د مياشتې حق ادا کوي۔ عرض اوکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! د رَمَضَانُ المُبَارَک پۀ حق ضائع کولو کښې د دوئي ذليله او رسوا کيدل څۀ دي؟ اوئې فرمائيل: پۀ دې مياشت کښې د هغوئي حرام کول۔ بيا يـې وفرمائيل: چا چې پۀ دې مياشت کښې زِنا اوکړه يا يـې شراب وڅښل نو د راتلونکي رمضان پورې الله پاک او چې څومره اسماني فرښتے دي ټول به پۀ هغۀ باندې لعنت وائي، که هغه  کَس د راتلونکې روژې مياشت نه مخکښې مړ شو نو د هغۀ سره به هيڅ داسې نيکي نۀ وي، کومه چې دے د دوزخ د وور نه بچ کړے شي۔ بس تاسو د روژې د مياشتې پۀ معامله کښې ويريږئ ځکه چې څنګه پۀ دې مياشت کښې د نورو مياشتو پۀ مقابله کښې نيکۍ زياتولے کيږي، دغه شان د ګناهونو معامله هم ده۔ ^([1])