نعمتونه تيار کړے شوي دي کوم چې يوې سترګې هم نۀ دي ليدلي، نۀ چا ته د دې نعمتونو تفصيلي عِلم شته ۔ د بخاري شريف پۀ حديثِ پاک کښې دي، الله پاک فرمائي:

اَعْدَدْتُ لِعِبَادِیَ الصَّالِحِیْنَ مَا لَاعَیْنٌ رَاَتْ، وَ لَا اُذُنٌ سَمِعَتْ وَ لَا خَطَرَ عَلَی قَلْبِ بَشَرٍ

ترجمه: ما د خپلو نيکانو بندګانو د پاره هٰغه نعمتونه تيار کړي دي کوم چې نۀ يوې سترګې ليدلي، نۀ يو غوږ د هغې ذِکر اوريدلے، نۀ پۀ يو زړۀ کښې د هغې خيال تير شوے دے۔ ^([1])

د شپې د عبادت کولو پۀ فضيلتونو باندې حديثونه

خوږو او محترمو اِسلامي وروڼو! پۀ عامو ورځو کښې هم شپې پۀ عبادت کښې د تيرولو کوشش کول پکار دي، اوس خو بيا هم د روژې مياشت ده! د نيکو مياشت ده، اوس که هم د شپې ويښ نۀ پاتې کيږۍ او عبادت او رياضت نۀ کوۍ نو بله به داسې کومه موقع وي؟ چي د شپې عبادت به پکښې کوۍ؟

* خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: سلام عام کړئ! پۀ خلقو خوراک کوئ! او چې کله خلق اودۀ وي نـمونځ کوئ! تاسو به د سلامتيا سره جنَّت ته داخل شئ۔ ^([2]) * پۀ يو حديثِ پاک کښې دي: زما د اُمَّت د زيات سعادت والا خلق د قرآن والا او اَصحابُ اللَّيل (يعنې د شپې عبادتونه کوونکي) دي۔ ^([3]) * پۀ حديثِ پاک کښې دي: هٰغه دوه رکعتونه کوم چې بنده د نيمې شپې ادا کوي، د هغۀ د پاره د دُنيا وما فيها (دُنيا او څۀ چې پۀ دې دُنيا کښې دي) نه بهتر دي، که ما دا پۀ خپل اُمَّت باندې ګران نۀ ګڼل نو دا به مې پۀ دوئي فرض کړي وو۔ ^([4])