وضاحت: حضرت فاطمه رَضِىَ اللهُ عَـنْها ټوله ټوله شپه عبادت کوونکې، پرله پسې پۀ سجده او رکوع کښې مصروفه اوسيدونکې ده، رحمتِ عالَم صَلَّى اللهُ عَلَيْهِ وَاٰلِهٖ وَسَلَّم پۀ هغې ناز کوي۔

سُبْحٰنَ اللہ! څومره ښکلے شان دے د حضرت بي بي فاطِـمةُ الـزَهراء رَضِىَ اللهُ عَـنْها۔ کاش چې د سَيِّده پاک رَضِىَ اللهُ عَـنْها پۀ وسيله زمونږ هم ټوله ټوله شپه د عبادت کولو توفيق نصيب شي۔

شپه پۀ عبادت کښې تيرول

الله پاک پۀ قرآنِ کريم کښې فرمائي:

تَتَجَافٰى جُنُوْبُهُمْ عَنِ الْمَضَاجِعِ یَدْعُوْنَ رَبَّهُمْ خَوْفًا وَّ طَمَعًا٘-وَّ مِمَّا رَزَقْنٰهُمْ یُنْفِقُوْنَ(۱۶)

 (پارہ :21 ، سورۀ سجدہ:16)

ترجمهٴ کنزُ العِرفان: د هغوئي ډډې د هغوئي د بسترو نه جُدا اوسي او هغوئي پۀ ويره او پۀ اُميد خپل رب يادوي او زمونږ د ورکړے شوي [مال] نه خيرات کوي۔

دا د کامِل ايمان والؤ صفتونه او د هغوئي د بدلې بيان دے۔ فرمائي: (1): د کامِل اِيمان والا خلق د نـمونځ سره محبت کوونکي وي او د نـمونځ کولو د پاره د شپې نۀ اودۀ کيږي بلکې نـمونځونه کوي (2): او ورسره ورسره د الله پاک د مخلوق سره هم محبت کوي، وږي مړوي، د غريبانو مدد کوي، د بے اَسرې خلقو اَسره جوړيږي (3): ورسره ورسره د الله پاک نه هم ويريږي (4): او د هغۀ د رحمت نه اُميد هم ساتي۔

د دې شان والا چې کوم د کامِل اِيمان والا دي، هغوئي ته به څۀ اِنعام ميلاؤيږي؟ فرمائي:

فَلَا تَعْلَمُ نَفْسٌ مَّاۤ اُخْفِیَ لَهُمْ مِّنْ قُرَّةِ اَعْیُنٍۚ-جَزَآءًۢ بِمَا كَانُوْا یَعْمَلُوْنَ(۱۷) (پارہ :21  ، سورۀ سجدہ:17)

 ترجمهٴ کنزُ العِرفان: نو يو کس ته هم نۀ دے معلوم هٰغه د سترګو يخوالے کوم چې د هغوئي د پاره د هغوئي د اعمالو پۀ بدله کښې پټ ساتلے شوے دے۔

يعنې د دې سخيانو، نيکانو، د شپې عبادت کوونکو ايمان والؤ د پاره د جنَّت داسې