(3): سيدھءِ  ڪائنات  ۽ شبِ  بيداري

حضرت علامه شيخ عبدالحق محدث دهلوي رَحمۃُ اللہِ عَلَیْہ مدارج النبوت ۾ نقل فرمائن ٿا: نورِ نظرِ مصطفيٰ، دلبرِ علي المرتضيٰ، راحتِ فاطمة الزهرا حضرت حسن مجتبيٰ رَضِیَ اللهُ عَنْہُ فرمائن ٿا ته مون پنهنجي والده ماجده حضرت فاطمة الزهرا رَضِیَ اللہُ عنہا کي ڪيترائي ڀيرا ڏٺو ته پاڻ رات جو مسجدِ بيت (يعني گهر ۾ نماز پڙهڻ جي مخصوص جاءِ) جي محراب ۾ نماز پڙهنديون رهنديون هيون، ايسيتائين جو  فجر جي نماز جو وقت ٿي ويندو هو۔^([1])

وہ شب بیدار، وہ صرفِ رکوع و سجدۂ پیہم  وہ جن کی ذات پہ نازاں حضور رحمتِ عالم

وضاحت: حضرت فاطمه رَضِیَ اللہُ عنہا  راتين جون راتيون عبادت ڪرڻ واريون، لڳاتار سجدن ۽ رڪوع ۾ مشغول رهڻ واريون آهن، رحمتِ عالم صَلَّی اللہُ عَلَیْہِ وَ آلِہٖ وَ سَلَّم کي انهن تي ناز آهي۔

سُبْحٰنَ اللہ! ڇا شان آهي سيدہ خاتونِ جنت رَضِیَ اللہُ عنہا    جو۔ ڪاش! سيدہ پاڪ رَضِیَ اللہُ عنہا    جي صدقي اسان کي به راتين جون راتيون جاڳي عبادت ڪرڻ جي توفيق نصيب ٿي وڃي.

(3) شب بيداري ڪرڻ  وارن  جي لاءِ   انعامات

الله پاڪ قرآن ڪريم ۾ فرمايو آهي: 

تَتَجَافٰى جُنُوْبُهُمْ عَنِ الْمَضَاجِعِ یَدْعُوْنَ رَبَّهُمْ خَوْفًا وَّ طَمَعًا٘-وَّ مِمَّا رَزَقْنٰهُمْ یُنْفِقُوْنَ(۱۶)

(پارو: 21، سورة سجدہ: 16)

 ترجموڪنزالعرفان: انهن جا پاسا سندن سمهڻ جي جاين کان جدا هوندا آهن ۽ اهي ڊِڄَندي ۽ اميد ڪندي پنهنجي رب کي پڪاريندا آهن ۽ اسان جي ڏنل مان خيرات ڪندا آهن۔

هي ڪامل ايمان وارن جون وصفون ۽ انهن جي جزا جو بيان آهي۔ فرمايو ويو: (1): ڪامل ايمان وارا ماڻهو نماز سان محبت ڪرڻ وارا هوندا آهن ۽ نماز پڙهڻ خاطر رات جو سمهندا نه آهن بلڪه نمازون پڙهندا رهندا آهن