مَا رَاَيْتُ اَحَدًا قَطُّ اَصَدَقَ مِنْ فَاطِمَةَ غَيْرَ اَبِيْهَا

 ترجمو: مان مصطفيٰ صَلَّی اللہُ عَلَیْہِ وَ آلِہٖ وَ سَلَّم کان علاوه فاطمه رَضِیَ اللہُ عنہا کان وڌيڪ سچو ٻيو ڪنهن کي نه ڏٺو. ^([1])

مَا رَاَيْتُ اَحَدًا اَشْبَهَ سَمْتًا وَدَلًّا وَ هَدْيًا بِرَسُوْلِ اللّٰه فِی قِيَامِهَا وَ قُعُوْدِهَا مِنْ فَاطِمةَ بِنْتِ رَسُوْلِ اللہ

ترجمو: مون حضرت فاطمه رَضِیَ اللہُ عنہا       کان وڌيڪ ڪنهن ٻئي کي هيئت (يعني ظاهري بناوٽ) سيرت ۽ صورت جي اعتبار کان ۽ اُٿڻ ۽ ويهڻ ۾ رسول الله صَلَّی اللہُ عَلَیْہِ وَ آلِہٖ وَ سَلَّم سان مشابه (يعني ملندڙ جُلندڙ) ڪنهن کي نه ڏٺو. ^([2]) 

صَلُّوْا عَلَی الْحَبِیْب!                                                صَلَّی اللہُ عَلٰی مُحَمَّد

سيدھءِ  ڪائنات  جا  3  معمولات

(1)  سائل  ٻن  وقتن  کان  نه  کاڌو  آهي...!

حضرت امام حسن مجتبيٰ رَضِیَ اللهُ عَنْہُ بيان ڪن ٿا ته هڪ ڏينهن اسان سڀني گهر وارن کي هڪ وقت جي فاقي کان پوءِ کاڌو ميسر ٿيو ته والد محترم (يعني حضرت علي رَضِیَ اللهُ عَنْہُ) ۽ ڀاءُ حسين رَضِیَ اللهُ عَنْہُ ۽ مان کاڌو کائي چڪا هئاسين پر والده ماجده اڃان نه کاڌو هو۔ انهن اڃان کاڌي ڏانهن هٿ وڌايو ئي هو ته دروازي تي هڪ سائل صدا هنئي: اي رسول الله صَلَّی اللہُ عَلَیْہِ وَ آلِہٖ وَ سَلَّم جي شهزادي! مان 2 وقتن جو بکايل آهيان، مون کي کاڌو کارايو! والده محترمه رَضِیَ اللہُ عنہا   کاڌي مان هٿ روڪي ورتو ۽ مون کي فرمايائون: وڃ هي کاڌو سائل کي ڏئي اچ! مون عرض ڪيو امي جان توهان به ته کاڌو نه کاڌو آهي۔ فرمايائون: مان هڪ وقت کان نه کاڌو آهي پر سائل 2 وقتن کان نه کاڌو آهي (تنهنڪري ان کي کاڌي جي وڌيڪ ضرورت آهي)، اِهو ٻڌي مان اٿيس ۽ سائل کي کاڌو ڏئي ڇڏيو. ^([3]) 

بھوکے رہ کے خود اَوروں کو کھلا دیتے تھے    کیسے صابِر تھے محمّد کے گھرانے والے!