بتول ۽ زهرا سيدہ فاطمه رَضِیَ اللہُ عنہا   جا مشهور لقب آهن، مشهور مفسر قرآن، مفتي احمد يار خان نعيمي رَحمۃُ اللہِ عَلَیْہ فرمائن ٿا: پاڻ رَضِیَ اللہُ عنہا    دنيا ۾ رهندي به دنيا کان الڳ هيون تنهنڪري مٿن بتول لقب پيو. ^([1]) هڪ ٻئي مقام تي مفتي صاحب رَحمۃُ اللہِ عَلَیْہ لکيو آهي ته: پاڻ رَضِیَ اللہُ عنہا     جنت جي مُکڙِي هيون، سندن مان جنت جي خوشبو ايندي هئي جنهن کي حضور صَلَّی اللہُ عَلَیْہِ وَ آلِہٖ وَ سَلَّم سِنگھندا هئا، تنهنڪري سندن لقب زهرا پيو يعني جنت جي مُکڙِي. ^([2]) 

بتول و فاطمہ زہراء لقب اس واسطے پایہ   کہ دُنیا میں رہیں اور دیں پتہ جنّت  کی نگہت کا ^([3])

سيدہ فاطمه رَضِیَ اللہُ عنہا  جو ظاهري وصال سرڪارِ عالي وقار، مالڪ و مختار صَلَّی اللہُ عَلَیْہِ وَ آلِہٖ وَ سَلَّم جي ظاهري وصال کان 6 مهينا پوءِ 3 رمضان ڪريم 11 هجري ۾ ٿيو۔ سندن مزار مبارڪ جنت البقيع ۾ آهي. ^([4])

نبی کی لاڈلی، بیوی ولی کی، ماں شہیدوں کی یہاں جلوہ نبوت کا،ولایت کا، شہادت کا

سيدھ پاڪ   مصطفيٰ آئينو آهن

پيارا اسلامي ڀائرو! حضرت سيدهءِ ڪائنات رَضِیَ اللہُ عنہا    تمام بلند شان واريون آهن، سندن بيشمار ڪمالات مان هڪ اهم ترين ڪمال هي به آهي ته پاڻ رَضِیَ اللہُ عنہا   سيرت پاڪ ۾ پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم جي جيئري جاڳندي تصوير هيون۔ مسلمانن جي پياري امي جان سيدہ عائشه صديقه طيبه طاهره  رَضِیَ اللہُ عنہا    فرمائن ٿيون: 

مَا رَاَيْتُ اَفْضَلَ مِنْ فَاطِمَةَ غَيْرَ اَبِيْهَا

 ترجمو: مان مصطفيٰ صَلَّی اللہُ عَلَیْہِ وَ آلِہٖ وَ سَلَّم کان علاوه فاطمه رَضِیَ اللہُ عنہا کان وڌيڪ بهتر ٻيو ڪو به نه ڏٺو۔^([5])