اي عاشقانِ رسول! توهان سڀني کي تمام گهڻيون مبارڪون هجن...! هڪ ڀيرو ٻيهر الله پاڪ جي ڪرم سان، اُن جي فضل ۽ احسان سان رمضان ڪريم تشريف کڻي آيو آهي۔

يقيناً خوشنصيب آهن اهي ماڻهو جيڪي ظاهري ۽ باطني آدابن سان روزا رکي، خوش دلي سان 20 رڪعتون تراويحون پڙهي، سحري ۽ افطاري جون برڪتون لُٽي رمضان ڪريم جون بهارون حاصل ڪري رهيا آهن ۽ انتهائي محروم ۽ بدقسمت آهن اهي ماڻهو جيڪي هنن مبارڪ گهڙين ۾ به نيڪين کان محروم آهن، روزا نه ٿا رکن، تراويحون نه ٿا پڙهن يا پڙهندا به آهن ته مڪمل نه ٿا پڙهن، بخشش، مغفرت ۽ رحمت واري هن عظيم الشان مهيني ۾ به الله پاڪ ۽ رسول ڪريم صَلَّی اللہُ عَلَیْہِ وَ آلِہٖ وَ سَلَّم جي رضا وارا ڪم ڪرڻ کان پري آهن۔  ٻنهي جهانن جي سلطان، شهنشاهِه ڪون ومڪان صَلَّی اللہُ عَلَیْہِ وَ آلِہٖ وَ سَلَّم فرمايو: منهنجي اُمت ايسيتائين ذليل ۽ رُسوا نه ٿيندي جيستائين اُها ماہِه رمضان جو حق ادا ڪندي رهندي۔ عرض ڪيو ويو: يا رسول الله صَلَّی اللہُ عَلَیْہِ وَ آلِہٖ وَ سَلَّم! رمضان ڪريم جو حق ضايع ڪرڻ ۾ انهن جو ذليل ۽ رسوا ٿيڻ ڇا آهي؟ فرمايو ويو: هن مهيني ۾ انهن جو حرام ڪم ڪرڻ۔ پوءِ فرمايائون: جنهن هن مهيني ۾ زنا ڪئي يا شراب پيتو ته ايندڙ رمضان تائين الله پاڪ ۽ جيترا آسماني فرشتا آهن سڀئي ان تي لعنت ڪندا رهندا، جيڪڏهن اُهو شخص ايندڙ رمضان حاصل ڪرڻ کان پهريان ئي مري ويو ته ان وٽ ڪا به اهڙي نيڪي نه هوندي جيڪا ان کي جهنم جي باهه کان بچائي سگهي۔ تنهنڪري توهان رمضان شريف جي معاملي ۾  الله کان ڊڄو، ڇوته جيئن هن مهيني ۾ ٻين مهينن جي مقابلي ۾ نيڪين جو ثواب وڌايو ويندو آهي،  ايئن ئي گناهن جو به معاملو  آهي يعني گناهن جو عذاب به وڌايو ويندو آهي۔^([1])

الله پاڪ اسان سڀني کي ماہِه رمضان سهڻي انداز ۾ *  رضاءِ الٰهي وارا ڪم ڪندي * هڪ هڪ گهڙيءَ جو قدر ڪندي * نيڪين ۾ * عبادتن ۾ * ذڪر ۽ فڪر ۾ * قبر کي ياد ڪندي * مديني جي يادن کي پنهنجي دل