اعتڪاف جون وڏيون فضيلتون آهن: * مسلمانن جي پياري امي جان حضرت عائشه صديقه رَضِیَ اللہُ عنہا کان روايت آهي، پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم فرمايو: مَنْ اِعْتَكَفَ اِيْمَاناً وَ اِحْتِسَابًا غُفِرَ لَہٗ مَا تَقَدَّمَ مِنْ ذَنْبِہٖ  يعني جنهن ايمان سان ۽ ثواب حاصل ڪرڻ جي نيت سان اعتڪاف ڪيو ان جا پويان گناهه بخشيا ويندا۔^([1]) * هڪ ٻي روايت ۾ آهي: جنهن رمضان ڪريم  ۾ 10 ڏينهن جو اعتڪاف ڪري ورتو اهو ائين آهي ڄڻ ان 2 حج ۽ 2 عمره ڪيا. ^([2])

پيارا اسلامي ڀائرو! الحمد لله! عاشقانِ رسول جي ديني تنظيم دعوتِ اسلامي جي تحت سڄي دنيا ۾ هزارين جاين تي آخري ڏهاڪي جو اجتماعي سنت اعتڪاف ڪرايو ويندو آهي، توھان به ڪوشش فرمايو! ان سان گڏوگڏ سڄي مهيني جو اجتماعي اعتڪاف به ڪرايو ويندو آهي. هن سال پوري پاڪستان ۾ 29 جاين تي جڏهن ته سڄي دنيا ۾ 130 جاين تي پوري مهيني جو اعتڪاف ٿي رهيو آهي. ٿي سگهي ته توهان به پنهنجي علائقي جي ويجهو واري مقام تي ٿيڻ واري سڄي مهيني جي اعتڪاف ۾ شرڪت فرمايو. الله پاڪ توفيق عطا فرمائي.  اٰمِین بِجَاہِ خَاتَمِ النَّبِیِّيْن صَلَّی اللہُ عَلَیْہِ وَ آلِہٖ وَ سَلَّم  ۔

صَلُّو ْا عَلَي الْحَبيب!                                              صَلَّي الله عَلٰي مُحَمَّد

دعوتِ اسلامي  جي  هڪ  شعبي  جو  تعارف:  شعبهءِ  روحاني  علاج

فرمان مصطفيٰ صَلَّی اللہُ عَلَیْہِ وَ آلِہٖ وَ سَلَّم: خَيْرُالدَّوَاءِ الْقُرْآنُ يعني بهترين دوا قرآن ڪريم آهي۔^([3])

علامه عبدالرؤف مناوي رَحمۃُ اللہِ عَلَیْہ لکن ٿا: قرآن ڪريم ۾ ڪجهه اهڙيون آيتون آهن جيڪي خاص مرضن ۽ مصيبتن جي خاتمي لاءِ آهن، انهن آيتن جي سڃاڻپ خاص ماڻهن کي هوندي آهي۔^([4])