تهجُد جي فضيلت

پيارا اسلامي ڀائرو! رات جي عبادتن مان هڪ عظيم عبادت تَهَجُّد جي نماز به آهي. هيءَ نماز پنهنجي رب سان محبت، عاجزي ۽ اخلاص جو هڪ عملي اظهار آهي. تَهَجُّد جا لمحا اهي گهڙيون آهن جن ۾ دعائون قبول ٿينديون آهن ۽ گناهن جي بخشش جا دروازا کلندا آهن. تنهنڪري رمضان ڪريم ۾ خاص طور تي تَهَجُّد جو به اهتمام فرمايو. * نوافل ۾ سڀ کان افضل نماز صَلاةُ اللَّيْل (تَهَجُّد جي نماز) آهي. ^([1]) * هيءَ نماز رب جو قرب ڏياريندي، گناهه مٽائيندي آهي ۽ گناهن کان بچائيندي آهي. ^([2]) * راتين جو نماز پڙهڻ وارا بغير حساب جي جنت ۾ داخل ٿيندا. ^([3]) * ياد رکو! تَهَجُّد لاءِ سمهڻ شرط آهي (چاهي ڪجهه دير لاءِ ئي هجي)، ڇو ته ان کانسواءِ اها نماز تَهَجُّد نه سڏبي. ^([4])  الله پاڪ اسان سڀني کي عمل جي توفيق عطا فرمائي.

 اٰمِین بِجَاہِ خَاتَمِ النَّبِیِّيْن صَلَّی اللہُ عَلَیْہِ وَ آلِہٖ وَ سَلَّم

بيان  جو  خلاصو

پيارا اسلامي ڀائرو! اسان سيدہ خاتونِ جنت رَضِیَ اللہُ عنہا     جا 3 اعليٰ اوصاف ٻڌا * پاڻ تمام گهڻيون سخاوت ڪرڻ واريون * تمام گهڻي تلاوت ڪرڻ واريون * ۽ سڄي سڄي رات عبادت ۾ گذارڻ واريون هيون۔

    ڪاش! ماههِ رمضان ۾ ۽ ان کان علاوه به اسان کي اِهي ٽئي اعليٰ وصف نصيب ٿي وڃن۔  اٰمِین بِجَاہِ خَاتَمِ النَّبِیِّيْن صَلَّی اللہُ عَلَیْہِ وَ آلِہٖ وَ سَلَّم ۔

اعتڪاف  جي  ترغيب

پيارا اسلامي ڀائرو! الحمد لله! رمضان شريف اچي ويو آهي۔ رمضان جي هڪ اهم ترين عبادت اعتڪاف به آهي۔ اعتڪاف ڪرڻ اسان جي آقا و مولا، تاجدار انبياء صَلَّی اللہُ عَلَیْہِ وَ آلِہٖ وَ سَلَّم کي تمام گهڻو پسند هو۔