* پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم فرمايو: اي انسانو! سلام کي عام ڪريو! ماڻهن کي کاڌو کارايو! ۽ جڏهن ماڻهو ستُل هجن ته نماز پڙهو! توهان سلامتي سان جنت ۾ داخل ٿي ويندؤ۔^([1]) * هڪ حديث پاڪ ۾ آهي: منهنجي اُمت جا وڌيڪ شرف وارا ماڻهو اهلِ قرآن ۽ اَصْحابُ اللَّیْل (يعني رات جو عبادت ڪرڻ وارا) آهن۔^([2]) حديث پاڪ ۾ آهي: اهي ٻه رڪعتون جيڪي ٻانهو رات جي وچ ۾ ادا ڪندو آهي، ان جي لاءِ دنيا و ما فيها (يعني جيڪو ڪجهه ان ۾ آهي) کان بهتر آهن، جيڪڏهن مان پنهنجي امت تي ان کي مشڪل نه ڄاڻان ها ته مٿن اهي (رڪعتون) فرض ڪري ڇڏيان ها۔^([3])

الله  وارَن  جون  شب  بيداريون

پيارا اسلامي ڀائرو! شب بيداري اهلِ عشق و محبت ۽ اولياءَ الله جو طريقو آهي، اسان جا اسلاف، بزرگانِ دين ۽ الله پاڪ جا نيڪ ٻانها پوري پوري رات عبادت ۾ گذاريندا هئا۔ * حضرت حماد بن ابي سليمان رَحمۃُ اللہِ عَلَیْہ فرمائن ٿا: امام اعظم ابو حنيفه رَحمۃُ اللہِ عَلَیْہ سڄي رات جاڳي عبادت ڪندا هئا۔ حضرت علي بن يزيد صدائي رَحمۃُ اللہِ عَلَیْہ فرمائن ٿا ته مون امام اعظم ابو حنيفه رَحمۃُ اللہِ عَلَیْہ کي ڏٺو ته اُهي رمضان ڪريم ۾ 60 ڀيرا قرآن ڪريم ختم فرمائيندا هئا روزانو ڏينهن ۽ رات ۾ هڪ هڪ دفعو.^([4]) * حضرت ثابت بناني رَحمۃُ اللہِ عَلَیْہ 50 سال مسلسل شب بيداري ڪندا رهيا، جڏهن سحري جو وقت ٿيندو هو ته هن طرح دعا ڪندا هئا: اي الله پاڪ! جيڪڏهن تون پنهنجي مخلوق مان ڪنهن کي قبر ۾ نماز ادا ڪرڻ جو شرف عطا فرمايو آهي ته مون کي به عطا فرمائجانءِ۔ الله پاڪ سندن اِها دعا قبول فرمائي، انهن جي  قبرِ انور مان تلاوت جو آواز ايندو هو. ^([5]) *  حضرت رابعه بصريه رَحمۃُ اللہِ عَلَیْہا 50 سال ائين گذاريا جو ڪڏهن وِهاڻي تي