(2): ان سان گڏوگڏ مخلوقِ خدا سان به محبت ڪندا آهن، بکايلن کي کاڌو کارائيندا آهن، غريبن جي مدد ڪندا آهن، بي سهارن جو سهارو بڻجندا آهن (3): ان کان علاوه الله پاڪ کان ڊڄندا به رهندا آهن (4): ۽ ان جي رحمت ۾ اميد به لڳائي ويٺا هوندا آهن۔ 

اهڙي شان وارا جيڪي ڪامل ايمان وارا آهن، انهن کي ڪهڙو انعام ملندو؟ فرمايو ويو: 

فَلَا تَعْلَمُ نَفْسٌ مَّاۤ اُخْفِیَ لَهُمْ مِّنْ قُرَّةِ اَعْیُنٍۚ-جَزَآءًۢ بِمَا كَانُوْا یَعْمَلُوْنَ(۱۷) (پارہ :21 ،سورۂ سجدہ:17)

ترجمو ڪنزالعرفان: پوءِ ڪنهن ساهه کي معلوم ناهي اُها اکين جي ٿڌاڻ جيڪا انهن جي لاءِ انهن جي عملن جي بدلي ۾ لڪائي رکي آهي.

يعني انهن سخي، نيڪ ۽ شب بيدار ايمان وارن لاءِ جنت ۾ اهڙيون نعمتون تيار ڪيون ويون آهن جن کي نه ڪنهن اَک ڏٺو آهي ۽ نه ئي ڪنهن کي انهن نعمتن جو تفصيلي علم آهي۔ بخاري شريف جي حديث پاڪ ۾ آهي، الله پاڪ فرمائي ٿو: 

أَعْدَدْتُ لِعِبَادِيَ الصَّالِحِينَ مَا لَا عَيْنٌ رَأَتْ وَلَا أُذُنٌ سَمِعَتْ وَلَا خَطَرَ عَلَىٰ قَلْبِ بَشَرٍ

ترجمو: مون پنهنجن نيڪ ٻانهن جي لاءِ اُهي نعمتون تيار ڪري رکيون آهن جن کي نه ڪنهن اک ڏٺو آهي، نه ڪنهن ڪن انهن جو ذڪر ٻڌو آهي ۽ نه ئي ڪنهن انسان جي دل ۾ ان جو خيال آيو آهي۔^([1])

شب  بيداري  جي فضيلت  متعلق حديثون

پيارا اسلامي ڀائرو! عام ڏينهن ۾ به اسان کي رات عبادت ۾ گذارڻ جي ڪوشش ڪرڻ گهرجي، هاڻي ته ماههِ رمضان آهي! نيڪين جو مهينو آهي، هاڻي به جيڪڏهن شب بيداريون ڪري عبادت ۽ رياضت نه ڪنداسين ته پوءِ ٻيو ڪهڙو موقعو ملندو؟ ڪهڙي وقت شب بيداري ڪنداسين؟