ڏسو! نيڪين سان ڪهڙي ڪمال محبت آهي...!! الله پاڪ اسان کي به اهڙي محبت نصيب فرمائي *نيڪ ڪمن جا فضائل پڙهو! * مڪتبةُ المدينه جو ڪتاب آهي: جنّت میں لے جانے والے اعمال. ان ۾ نيڪ ڪمن جا فضائل ۽ فائدا بيان ڪيا ويا آهن، ان کي پڙهو! *نيڪ ماڻهن جي خدمت ۾ ويهڻ جي عادت بڻايو! * نيڪيون ڪرڻ جي عادت بڻايو! * ذِڪر و درود جي ڪثرت ڪيو! ان جي برڪت سان دل پاڪ ٿيندي، دل مان گناهن جي مٽي لهندي ته اِنْ شَآءَ اللہُ الْکَرِیم! نيڪين جي محبت نصيب ٿي ويندي.

بھائیو! سب گناھوں سے مُنہ موڑ دو          ناطہ تم نیکیوں ہی سے بس جوڑ دو

ایک دن موت آکر رہے گی ضَرور            مجرمو! سُن لو اِس کو سمجھنا نہ دُور

(2): نيڪ ڪمن ۾ چستي

پيارا اسلامي ڀائرو! سعادت مند جي ٻي نشاني نيڪ ڪمن ۾ چستي آهي. يعني جيڪو ٻانهو سعادت مند هجي، اهو نيڪ ڪمن ۾ سُستي نه ڪندو آهي، غفلت نه ڪندو آهي، نيڪين ۾ چُستي ڏيکاريندو آهي، هينئر ڪريان ٿو، سڀاڻي ڪريان ٿو، ترسي ڪريان ٿو جنهن سان ڀلائي جو ارادو ڪيو ويو هجي، اهو انهن ڪمن ۾ ناهي پوندو بلڪه نيڪي ۾ جلدي ڪندو آهي، چستي ڏيکاريندو آهي، اسان کي رمضان ڪريم سعادتن سان گذارڻو آهي ته ان لاءِ نيڪي جي ڪم ۾ سُستي نه ڪرڻي آهي، چستي ڏيکارڻي آهي. الله پاڪ قرآنِ ڪريم ۾ فرمائي ٿو:

فَاسْتَبِقُوا الْخَیْرٰتِ (سيپارو: 2، البقرة؛ 148)

ترجموڪنزُ العرفان: پوءِ توهان نيڪين ۾ اڳيان نڪري وڃو.

هڪ ٻئي مقام تي فرمايو:

وَ  سَارِعُوْۤا  اِلٰى  مَغْفِرَةٍ  مِّنْ  رَّبِّكُمْ  وَ  جَنَّةٍ  عَرْضُهَا  السَّمٰوٰتُ  وَ  الْاَرْضُۙ-اُعِدَّتْ  لِلْمُتَّقِیْنَۙ(۱۳۳)

(سيپارو: 4، آل عمران: 133)

ترجمو ڪنزُ العرفان: پنهنجي رب جي بخشش ۽ ان جي جنّت ڏانهن ڊوڙو جنهن جي چوڙائي آسمانن ۽ زمين جي برابر آهي. اها پرهيزگارن جي لاءِ تيار ڪئي وئي آهي.