سعادت مند ڪير؟

Al Quran Books Madani Channel

Magazine Courses Media

صحابهءِ ڪرام رَضِیَ اللهُ عَنْہم ۽ نيڪي جي محبت

اڄڪلهه اسان وٽ ته حالتون ڪجهه ابتيون آهن، اسان جي دل ۾ دنيا جي محبت آهي، اسان پنهنجو ۽ ٻين جو مقابلو پئسي ڏوڪڙ، عزت ۽ شهرت وغيره ۾ ڪندا آهيون، فلاڻو ايترن پئسن وارو آهي، فلاڻو ايترو مشهور ۽ معروف آهي ۽ اسان جيڪي شوق پاليندا آهيون اهي به اهڙا ئي هوندا آهن، مون وٽ مال هجي، دولت هجي، بينڪ بيلنس هجي، گاڏي هجي، بنگلو هجي، عام طور تي ماڻهن جا جيڪي وڏا وڏا خواب هوندا آهن، اهي اهڙي ئي قسم جا هوندا آهن بلڪ اسان وٽ ته ڪامياب ان کي سمجهيو ويندو آهي جيڪو وڌيڪ پئسن وارو هجي يا وڌيڪ مشهور هجي.

ان جي ابتڙ صحابهءِ ڪرام رَضِیَ اللهُ عَنْہم جو مبارڪ انداز ڏسو! هي ماڻهو نيڪين جو شوق رکڻ وارا هئا. صحابہ ڪرام رَضِیَ اللهُ عَنْہم وٽ نيڪ ڪمن ۾ مسابقا ٿيندا هئا (يعني هڪ ٻئي سان نيڪين جا مقابلا ڪيا ويندا هئا ته ڪير وڌيڪ نيڪيون ڪري ٿو). تمام مشهور روايت آهي، هڪ ڏينهن اهي صحابهءِ ڪرام رَضِیَ اللهُ عَنْہم جن وٽ دنياوي مال گهٽ هو، اهي بارگاھِ رسالت ۾ حاضر ٿيا، عرض ڪيائون: يارسولَ الله صَلَّى اللهُ عَلَيْهِ وَاٰلِهٖ وَسَلَّم! ذَهَبَ أَهْلُ الدُّثُورِ بِالْأُجُورِ يعني مالدار اسان کان وڌيڪ اَجر کڻي ويا. پڇيائون: اهو ڪيئن؟ عرض ڪيائون: هو به نماز پڙهن ٿا، اسان به نماز پڙهون ٿا، هو به روزا رکن ٿا، اسان به روزا رکون ٿا، ان سان گڏوگڏ (جيئن ته هو مال وارا آهن ته) راهِ خدا ۾ صدقو ڪن ٿا (پر اسان اها نيڪي ڪري نٿا سگهون). ان تي رسولِ ذيشان، مڪي مدني سلطان صَلَّى اللهُ عَلَيْهِ وَاٰلِهٖ وَسَلَّم ذڪرُ الله جي ڪثرت جو ذهن ڏنو ۽ فرمايو ته تسبيح پڙهڻ، الله اڪبر چوڻ، اَلْحَمْدُ لِلّٰہ! چوڻ به صدقو آهي (توهان ائين صدقي جو ثواب ڪمائيندا ڪيو!).^{(^[1])}

[1]... مسلم، کتاب الزکاۃ، باب بیان ان اسم الصدقۃ...الخ، صفحہ:362، حدیث:1006۔

Important

Mobile Apps

Contact Us