Book Name:Saadat Mand Kon
بيان کي اختتام ڏانهن آڻيندي هڪ شرعي مسئلو عرض ڪريان ٿو:
(درست شرعي مسئلو ۽ عوام ۾ موجود غلط فهمي جي نشاندهي)
مسئلو: الٽي (قي) اچڻ سان روزو نه ٽٽندو آهي
وضاحت: عوام ۾ مشهور آهي ته اُلٽي اچڻ سان روزو ٽٽي ويندو آهي. هي هڪ عوامي غلط فهمي آهي، ياد رکو! روزي ۾ پاڻمرادو ڪيتري به قي (الٽي) ٿي وڃي (جيتوڻيڪ بالٽي ئي ڇو نه ڀرجي وڃي) ان سان روزو نه ٽٽندو آهي.
اُلٽي جي سبب روزو ٽٽڻ جون ٻه صورتون:
ها! اُلٽي اچڻ جون ڪجهه خاص صورتون آهن جنهن سان روزو ٽٽي ويندو آهي، مثلاً * قي (يعني الٽي) وات ڀر آئي، جيڪڏهن ان مان هڪ چڻي جي برابر به واپس اندر موٽائي ته روزو ٽٽي ويندو ۽ هڪ چڻي کان گهٽ هجي ته روزو نه ٽٽندو.([1]) *اهڙي طرح جيڪڏهن اُلٽي خودبخود نه آئي آهي بلڪه پاڻ ڄاڻي واڻي ڪئي، جيڪڏهن اها وات ڀر آئي ته روزو ٽٽي ويندو جڏهن ته روزيدار هجڻ ياد به هجي * اهڙي طرح ڪڏهن ڪڏهن کٽيون اوڳرائيون اينديون آهن، انهن سان به روزو نه ٽٽندو آهي * ڪڏهن ڪڏهن کَٽو پاڻي ڳلي تائين اچي واپس موٽي ويندو آهي، ان سان به روزو نه ٽٽندو آهي. الله پاڪ اسان کي درست اسلامي احڪام سکڻ ۽ انهن تي عمل ڪرڻ جي توفيق نصيب فرمائي. اٰمِين بِجَاهِ خَاتَمِ النَّبِيّٖن صَلَّى اللهُ عَلَيْهِ وَاٰلِهٖ وَسَلَّم۔
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد