سعادت مند ڪير؟

Al Quran Books Madani Channel

Magazine Courses Media

سيده فاطمه رَضِیَ اللهُ عَنْہا جا تمام گهڻا فضائل آهن. بخاري شريف ۾ آهي، سرڪارِ عالي وقار، مڪي مديني جي سردار صَلَّى اللهُ عَلَيْهِ وَاٰلِهٖ وَسَلَّم فرمايو: هِیَ بَضْعَةٌ مِنِّی يُرِيبُنِی مَا اَرَابَهَا وَيُؤْذِينِی مَا آذَاهَا فاطمه منهنجي جسم جو ٽڪڙو آهي، جيڪا ڳالهه کين بري لڳي مون کي به بري لڳندي آهي ۽ جيڪا شيءِ کين تڪليف ڏي مون کي به تڪليف ڏيندي آهي.^{(^[1])}

2 سنِ هجري جو حضرت فاطمه رَضِیَ اللهُ عَنْہا جو نڪاح مولا علي شير خدا کَرَّمَ اللہُ وَجْہَہُ الْکَرِیْم سان ٿيو ۽ ان ئي سال رخصتي ٿي.^{(^[2])} پاڻ رَضِیَ اللهُ عَنْہا جي گهر 3 پٽن ۽ 3 ڌيئرن جي ولادت ٿي، پاڻ رَضِیَ اللهُ عَنْہا جي پٽن جا نالا آهن: * حَسن * حُسَين * مُحسن رَضِیَ اللهُ عَنْہم. ۽ ڌيئرن جا مبارڪ نالا آهن: * زينب * اُمِ ڪُلثوم * رقيه رَضِیَ اللهُ عَنْہُنَ .^{(^[3])}

سيده فاطمه رَضِیَ اللهُ عَنْہا جو وصالِ ظاهري سرڪارِ عالي وقار، مالڪ و مختار صَلَّى اللهُ عَلَيْهِ وَاٰلِهٖ وَسَلَّم جي وصالِ ظاهري جي 6 مهينن کان پوءِ 3 رمضان ڪريم 11 هجري جو ٿيو.^{(^[4])} سندن پاڪ مزار جنتُ البقيع ۾ آهي.^{(^[5])} الله پاڪ جي انهن تي رحمت هجي ۽ انهن جي صدقي اسان جي بي حساب مغفرت ٿئي.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

فرشتا چڪي پيهڻ حاضر ٿيا

حضرت اُمِّ ايمن رَضِیَ اللهُ عَنْہا فرمائن ٿيون: هڪ دفعو سخت گرمي جا ڏينهن هئا، رمضان ڪريم جو مهينو هو ۽ منجهند جو وقت هو، مان خاتونِ جنت سيده فاطمه رَضِیَ اللهُ عَنْہا جي گهر ويس، دروازو بند هو ۽ اندر مان چڪي هلڻ جو آواز اچي رهيو هو.

[1]... بخاری، کتاب النکاح، باب ذب الرجل عن ابنتہ...الخ، صفحہ:1344، حدیث:5230۔

[2]... سیر اعلام النبلاء، رقم:114، فاطمہ بنت رسول اللہ صَلَّی اللہُ عَلَیْہِ وَ آلِہٖ وَ سَلَّم، جلد:3، صفحہ:425۔

[3]... الاکمال مع مرقاۃ المفاتیح، جلد:11، رقم: 718، فاطمۃ الکبری، صفحہ:87۔

[4]... شرح الزرقانی، الفصل الثانی فی ذکر اولاد الکرام، جلد:4، صفحہ:336۔

[5]... طبقات الکبریٰ، رقم:4097، فاطمہ بنت رسول اللہ صَلَّی اللہُ عَلَیْہِ وَ آلِہٖ وَ سَلَّم ، جلد:8، صفحہ:25۔

Important

Mobile Apps

Contact Us