جي ڪوشش ڪرڻي آهي، ٻئي طرف اسان جو حال بيحال هيءُ آهي جو هزارين ماڻهو هوندا، جن جون ماهِ رمضان جون راتيون به گناهن ۾ گذري وينديون آهن. هي انتهائي محرومي جي ڳالهه آهي. علامه اِبن جوزي رَحْمَةُ الـلّٰـهِ عَـلَيْه لکن ٿا: الله پاڪ جي آخري رسول، رسولِ مقبول صَلَّى اللهُ عَلَيْهِ وَاٰلِهٖ وَسَلَّم فرمايو: مون وٽ جبرائيلِ اَمين عَلَیْهِ السَّلَام حاضر ٿيا ۽ عرض ڪيائون: يارسولَ الله صَلَّى اللهُ عَلَيْهِ وَاٰلِهٖ وَسَلَّم! قيامت جي ڏينهن هڪ نوجوان کي آندو ويندو، اهو غمگين هوندو، روئي رهيو هوندو، فرشتا باهه ۽ لوهه جي سيخن  (Iron Rods) سان ان کي هڪلي رهيا هوندا، اهو نوجوان هڪ هزار سالن تائين الامان! الامان! پڪاريندو رهندو پر ان کي امان نه ڏنو ويندو، وري ان نوجوان کي هڪ هزار سالن کان پوءِ ربّ قهار جي بارگاهه ۾ پيش ڪيو ويندو، الله پاڪ عذاب جي فرشتن کي حڪم ڏيندو ته ان کي اونڌو جهنم ۾ اڇلائي ڇڏيو! حضرت جبرائيلِ اَمين عَلَیْهِ السَّلَام جو هي بيان ٻڌي حضور اڪرم، نورِ مجسم صَلَّى اللهُ عَلَيْهِ وَاٰلِهٖ وَسَلَّم فرمايو: اي جبرائيل (عَلَیْهِ السَّلَام)! اهو ڪير هوندو؟ عرض ڪيائون: يارسولَ الله صَلَّى اللهُ عَلَيْهِ وَاٰلِهٖ وَسَلَّم! هي اوهان جو هڪ اُمتي هوندو. فرمايائون: ان جو گناهه ڪهڙو آهي؟ عرض ڪيائون: يارسول الله صَلَّى اللهُ عَلَيْهِ وَاٰلِهٖ وَسَلَّم! هي اهو بد نصيب آهي، جنهن جي زندگي ۾ رمضان ڪريم ته تشريف کڻي آيو پر توبه و استغفار جي بجاءِ ماھِ رمضان کي گناهن ۾ گذاري ڇڏيو. ^([1])

الله جي پناھ! الله جي پناھ! اي عاشقانِ رسول! غور ته ڪريو! رمضان ڪريم ۾ گناھ ڪري هن مقدس مهيني جي بيحرمتي (Dis-respect) ڪرڻ ڪيترو نقصان ڏيندڙ آهي...! رمضان المبارڪ جي بيحرمتي ڪرڻ وارا ان مان عبرت وٺن، ٿورو سوچين ته سهي...! اسان ڪيستائين هن دنيا ۾ زندھ رهنداسين؟

ایک دن مرنا ہے آخر موت ہے             کر لے جو کرنا ہے آخر موت ہے