Book Name:Saadat Mand Kon
انهن سڳورين آيتن ۾ اسان کي اهو حڪم ڏنو ويو آهي ته اسان نيڪ ڪمن ڏانهن، جنت ڏانهن ڊوڙي پهچون، ان ۾ سستي نه ڪريون، ان ۾ سستي نه ڪريون.
خاص ڪري رمضان ڪريم جي متعلق ته پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم جي هي ادا بيان ڪئي وئي آهي، مسلمانن جي پياري امڙ سائڻ بيبي عائشه صديقه رَضِیَ اللهُ عَنْہا فرمائن ٿيون: كَانَ رَسُولُ الله صَلَّى اللهُ عَلَيْهِ وَاٰلِهٖ وَسَلَّم إِذَا دَخَلَ العَشْرُ أحْيَا اللَّيلَ، وَأَيْقَظَ أَهْلَهُ، وَجَدَّ وَشَدَّ المِئْزَ يعني جڏهن رمضان ڪريم جو آخري عشرو ايندو ته سرڪارِ عالي وقار، مڪي مدني تاجدار صَلَّى اللهُ عَلَيْهِ وَاٰلِهٖ وَسَلَّم راتين جو عبادت ڪندا، پنهنجي اهلِ خانه کي به جاڳائيندا ۽ عبادت ۾ خوب ڪوشش فرمائيندا ۽ هن ڪم لاءِ ڪمر بستا ٿي ويندا هئا. ([1])
هي جيڪا مصطفيٰ ڪريم جي ادا آهي: نيڪ ڪمن تي ڪمر بستا ٿي وڃڻ (اسان جي آقا صَلَّى اللهُ عَلَيْهِ وَاٰلِهٖ وَسَلَّم جو ته هر هر لمحو ئي نيڪين ۾ گذرندو هو، هڪ سيڪنڊ جي ڪروڙين حصي لاءِ به اتي ته مَعَاذَ الله! سستي جو تصور به نٿو ٿي سگهي، وري به پاڻ صَلَّى اللهُ عَلَيْهِ وَاٰلِهٖ وَسَلَّم ماھِ رمضان ۾ عبادت تي ڪمر بستا ٿي ويندا هئا، ته) هي ادا اسان کي به اختيار ڪرڻي آهي.
حضرت ابو هريره رَضِیَ اللهُ عَنْہُ کان روايت آهي، سرڪارِ عالي وقار، مڪي مدني تاجدار صَلَّى اللهُ عَلَيْهِ وَاٰلِهٖ وَسَلَّم فرمايو: ان ذات جو قَسم! جنهن جي نالي جو قسم کنيو ويندو آهي، بيشڪ توهان تي هڪ بهترين مهينو ڇانوَ ڪرڻ وارو آهي، هي اهو مهينو آهي جو مسلمانن وٽ ان کان بهتر مهينو ناهي ايندو ۽