Muasharti Zindagi Ke Aadab

Al Quran Books Madani Channel

Magazine Courses Media

نے فرمایا: بہت لَعْنَتْ کرنے والے ،بہت طعنے دینے والے قیامت کے دِن نہ گواہ ہوں گے، نہ شفیع۔^{(^[1])}

حکیمُ الاُمَّت مفتی احمد یار خان نعیمی رحمۃُ اللہ علیہ اس حدیثِ پاک کی شرح میں فرماتے ہیں: رسولُ اللہ صَلَّی اللہ عَلَیْہِ وَ آلِہٖ وَسَلَّم کی اُمَّت قیامت کے دن گزشتہ انبیائے کرام( علیہم السَّلام )کی گواہ بھی ہو گی (یعنی یہ گواہی دے گی) کہ انہوں نے اپنی اُمّتوں کو تبلیغ فرما دی اور گنہگاروں کی شفاعت کرنے والی بھی ہو گی مگر جو مسلمان لعنت کرنے اور طعنے دینے کا عادِی ہو گا، وہ ان دونوں نعمتوں سے محروم رہے گا۔ لہٰذا دُنیا میں لعن طعن کے عادِی نہ بنو۔^{(^[2])}

(2): حضرت عبد اللہ بن مسعود رَضِیَ اللہ عنہ سے روایت ہے، رسولِ اکرم، نورِ مُجَسَّم صَلَّی اللہ عَلَیْہِ وَ آلِہٖ وَسَلَّم نے فرمایا: مؤمن نہ طعنہ دینے والا ہوتا ہے، نہ لَعْنَتْ کرنے والا، نہ فُحش (یعنی بےہُودہ) بکنے والا ہوتا ہے۔^{(^[3])}

اس حدیثِ پاک کی شرح میں مفتی صاحب رحمۃُ اللہ علیہ فرماتے ہیں: یہ عُیُوب (یعنی طعنے دینا، لعنت کرنا اور فُحش بکنا، یہ) سچے مسلمان میں نہیں ہوتے، اپنے عیب نہ دیکھنا، دوسرے مسلمانوں کے عیب ڈھونڈنا، ہر ایک کو لعن طعن کرنا اسلامی شان کے خِلاف ہے۔ بعض لوگ جانوروں کو، ہوا کو گالیاں دیتے ہیں، بعض لوگ گالی پہلے دیتے ہیں، بات بعد میں کرتے ہیں، یہ سب اس حدیثِ پاک سے عِبْرت پکڑیں۔ ^{(^[4])}

[1]...مسلم، کتاب البر والصلۃ، صفحہ:1004، حدیث:2598۔

[2]...مرآۃ المناجیح، جلد:6، صفحہ:451 بتغیر قلیل ۔

[3]...ترمذی، کتاب البر والصلۃ، صفحہ:481، حدیث:1977۔

[4]...مرآۃ المناجیح، جلد:6، صفحہ:469بتغیر قلیل۔

Important

Mobile Apps

Contact Us