رہتیں اور جب فجر کا وقت قریب ہوتا تو تھوڑی دیر کے لیے مصلے ہی پر لیٹ جاتیں، پھر بیدار ہو کر کہتیں :اے نفس!تُو کتنا سوئے گا؟ اور کب جاگے گا؟^([1]) *عظیم تابعی حضرت اُوَیس قرنی رَحمۃُ اللہ عَلَیْہ کی عادتِ مبارکہ تھی، آپ رَحمۃُ اللہ عَلَیْہ رات کو کھڑے ہوتے اور کہتے: آج قیام کی رات ہے، پھر  ساری رات قیام میں گزار دیتے، اگلی رات کہتے: آج رکوع کی رات ہے، پھر ساری رات رکوع میں گزار دیتے، تیسری رات کہتے: آج سجدے کی رات ہے، پھر ساری رات سجدے ہی میں گزار دیا کرتے تھے۔ ^([2])

اللہ! اللہ!پیارے اسلامی بھائیو! یہ ہیں اللہ پاک کے نیک بندے، یہ دِن رات عِبَادت پر کمر بستہ رہا کرتے تھے، آہ! ایک ہم ہیں، اب ماہِ رمضان ہے، عِبَادت و ریاضت کے اس موسمِ بہار میں بھی ہم عبادت نہیں کر پاتے، آہ! کتنے ایسے ہیں جن کی ماہِ رمضان کی راتیں فضولیات میں گزر جاتی ہیں*لوگ ٹائم پاس کرنے کے لیے گلیوں میں کھیل رہے ہوتے ہیں*کوئی فضول گفتگو میں مَصْرُوف رہتا ہے*کوئی سوشل میڈیا(Social media)کا بےجا استعمال کرتے کرتے رات گزار دیتا ہے اور *کتنے تو ایسے نادان بھی ہیں جن کی ماہِ رمضان کی راتیں بھی گُنَاہوں میں گزر جاتی ہیں۔ آہ! کاش! ہمیں ماہِ رمضان کی قدر نصیب ہو جائے! کاش! ہم بھی نیک لوگوں کی طرح دِل لگا کر عِبَادت کرنے والے بن جائیں۔

عبادت میں گزرے مری زندگانی         کرم ہو کرم یَاخدا! یَاالٰہی!

بنادے مجھے نیک نیکوں کا صَدقہ          گناہوں سے ہردم بچا یَاالٰہی!

مِرے دل سے دنیا کی چاہت مٹا کر        کر اُلفت میں اپنی فنا یَاالٰہی!