ڪيو ٿا ته جهنم ۾ داخل ٿي وڃو...!!

سُبْحٰنَ اللہ! روايت جا لفظ آهن ته بس اِهو حڪمِ اِلٰهي ٻڌڻ جي دير هوندي ۽ فَيَقْتَحِمُونَ فِيهَا ايمان وارا جهنم جي ڀڙڪندڙ باهه ۾ ڇال ڏيندا. ان وقت عرشِ الٰهي جي هيٺان هڪ آواز گونجندو، پڪارڻ وارو پڪاريندو:

وَ الَّذِیْنَ اٰمَنُوْۤا اَشَدُّ حُبًّا لِّلّٰهِؕ- (سيپارو:2، سورة البقرة:165)

ترجمو ڪنز العرفان: ۽ ايمان وارا سڀ کان وڌيڪ الله سان محبت ڪندا آهن

هتي هڪ وضاحت ڪندو هلان ته، اُهي ايمان وارا، پنهنجين دلين ۾ الله جي محبت جا ڏيئا روشن ڪرڻ وارا، جهنم ۾ ڇال ضرور ڏيندا پر جهنم جي باهه انهن کي ساڙي نه سگهندي بلڪه انهن تي ٿڌي ۽ سلامتي واري ٿي ويندي. پوءِ انهن کي جهنم مان ڪڍي جنت ۾ داخل ڪيو ويندو.

پيارا اسلامي ڀائرو! هن روايت مان اسان کي معلوم ٿئي ٿو ته مومن بهاني باز نه هوندو آهي، مومن جو اِهو شان آهي ته قيامت جي ڏينهن، اکين اڳيان ڀڙڪندڙ، شعلا هڻندڙ جهنم ۾ ڇال ڏيڻ جو حڪم ٿيندو ته اُن ۾ به بغير سوچڻ سمجهڻ جي ڇال ڏئي ڇڏيندا. پاڻ ئي چوندا ته! جڏهن اسان اُتي بهانا نه بڻايا ته هتي بهانا ڇو بڻائينداسين. الله پاڪ اسان کي نصيب فرمائي. ڪاش! اسان کي الله پاڪ جي محبت جو فيضان نصيب ٿي وڃي.

چئو:  الله

الله پاڪ قرآن ڪريم ۾ فرمائي ٿو:

قُلِ اللّٰهُۙ-ثُمَّ ذَرْهُمْ فِیْ خَوْضِهِمْ یَلْعَبُوْنَ(۹۱) (پارو:7، سورة انعام: 91)

ترجمو ڪنز العرفان: اوهان فرمايو: الله. پوءِ انهن کي انهن جي بيہودگي ۾ کيڏندي ڇڏي ڏيو.

صوفياءِ ڪرام فرمائن ٿا: هن آيتِ ڪريمه جو مطلب آهي: الله بس، باقي هَوَس. (Only Allah, the rest is lust) يعني جيڪا شيءِ الله پاڪ کان غافل ڪري،