اهي غير مسلمن سان وڙهندي وڙهندي آخرڪار زمين تي ڪري پيا هوندا، ته ان وقت کين ڪيتري نه اُڃَ لڳي هوندي؟ جسم ۾ ڪيتري نه ڪمزوري محسوس ٿي هوندي پر صحابيءِ رسول آهن، الله پاڪ سان انتها درجي جي محبت ڪرڻ وارا آهن، اهڙي حالت ۾ به روزو نه ٽوڙيائون پر افطار جو وقت ٿي ويو، تڏهن به افطار نه ڪري سگهيا، ائين روزي جي حالت ۾ ئي الله پاڪ جي بارگاهه ۾ حاضر ٿي ويا.

آ بتاؤں کہ کیا، صحابہ ہیں                      ہم ہیں جن پر فدا، صحابہ ہیں

گونجتی ہے جو کُل جہانوں میں                 دین حق کی صدا، صحابہ ہیں

خود کو قربان کر دیا سب نے                  آقا کے با وفا، صحابہ ہیں

اسان  ۽  اسان  جا  بهانا

پيارا اسلامي ڀائرو! افسوس! اسان وٽ هاڻي اهڙا محبتِ الهي جا جذبا گهٽ ٿي رهيا آهن. اسان وٽ ماڻهو رڳو بهانا ڳولي رهيا هوندا آهن، مثال طور * ڪا اهڙي صورت پيدا ٿي وڃي جو مون کي روزي رکڻ کان اجازت ملي وڃي * ڪجهه اهڙو ٿئي جو مون کي تراويحون نه پڙهڻيون پون * منهنجي شگر (Diabetes) وڌيل آهي، ڇا مون کي روزن کان ڇوٽ ملي سگهي ٿي؟ * مون کي ڪمزوري تمام گهڻي آهي، ڇا مان روزو ڇڏي سگهان ٿو؟ * مون سان بلڊ پريشر (Blood pressure) جو مسئلو آهي * ڪو چوندو آهي: محنت مزدوري ڪرڻي پوندي آهي، تنهنڪري روزو نه ٿو رکي سگهان.

ٿورو سوچيو ته سهي! رب ڪريم اسان کي اهڙو بي مثال، فضيلتن ۽ برڪتن وارو عظيم الشان مهينو عطا فرمايو آهي ۽ افسوس! اسان آهيون جيڪي اجايا بهانا (Hollow excuses) ٺاهي ان جي برڪتن کان محروم رهجي ويندا آهيون.