رمضان ۽ الله پاڪ جي محبت جو فيضان

Al Quran Books Madani Channel

Magazine Courses Media

مطلب هي آهي ته جڏهن ٻانهو فرائض ۽ نوافل جي ذريعي الله پاڪ سان پنهنجي محبت جو اظهار ڪندو آهي ته * ان جي نتيجي ۾ الله پاڪ ان جي خاص مدد فرمائيندو آهي * ان جي مدد ڪئي ويندي آهي * ان جي عضون کي گناهن کان محفوظ رکيو ويندو آهي * اڃان وڌيڪ نيڪيون ڪرڻ جي توفيق بخشي ويندي آهي * اخلاص جي نعمت عطا ڪئي ويندي آهي ۽ ان جي برڪت سان سندس مقصد پورا ڪيا ويندا آهن. ^{(^[1])}

مالڪ تمام گهڻو ڪريم آهي

حضرت وَہْب بن مُنَبّہ رَحْمَةُ الـلّٰـهِ عَـلَيْه کان روايت آهي ته بني اسرائيل ۾ هڪ نيڪ شخص هو جيڪو تمام گهڻو عبادت گذار هو، ضرورت جيترو حلال رزق ڪمائيندو هو ۽ بقايا وقت عبادت ۾ گذاريندو هو. هڪ ڀيري ائين ٿيو جو کيس مسلسل ڪيترن ئي ڏينهن تائين ڪٿي به مزدوري نه ملي، حالت فاقن تائين وڃي پهتي. هڪ ڏينهن هُو ڪم جي تلاش ۾ گهران نڪتو، جڏهن کيس ڪو ڪم نه مليو ته سوچيائين: چڱو ڀلا، الله پاڪ جي عبادت ڪريان ٿو تنهنڪري هُو درياهه جي ڪناري تي پهتو، وضو ڪيائين ۽ سمورو ڏينهن عبادت ۾ گذاري ڇڏيائين. جڏهن شام ٿي ته گهر واپس موٽيو، ڪمائي ته ڪجهه به نه سگهيو هو، سندس هٿ خالي هئا. گهر وارن جڏهن کانئس مزدوري بابت پڇيو ته چيائين: مان اڄ تمام گهڻي مهربان مالڪ وٽ مزدوري ڪري آيو آهيان، هو مون کي سٺي اجرت عطا فرمائيندو.

بکي پيٽ تي جيئن تيئن ڪري رات گذري وئي، ٻئي ڏينهن صبح جو ٻيهر ڪم جي ڳولا ۾ نڪتو، اڄ به کيس ڪو ڪم نه مليو، درياهه جي ڪناري تي پهتو ۽ اڄوڪو ڏينهن به سمورو عبادت ۾ گذاريائين. شام جو وري خالي هٿين واپس موٽيو. بُکن جي ماريل سندس زال جڏهن ڏٺو ته جذبات ۾ ڀرجي وئي ۽ کيس چيائين ته ڪيترن ڏينهن کان بکايل آهيون، ٻارن جي حالت اهڙي ٿي وئي آهي جو ڏسي نه ٿي سگهجي، توهان جو مالڪ آهي جو اجرت ئي نه ٿو ڏئي ...!! ائين ڪيئن گذارو ٿيندو؟

[1]... فتح الباری لابن حجر، کتاب الرقاق، باب التواضع، جلد:11، صفحہ:418، زیرِ حدیث:6502 ملخصاً۔

Important

Mobile Apps

Contact Us