Book Name:Mah e Ramazan Aur Faizan e Muhabbat e Ilahi
* خوب نمازون پڙهو! * تلاوت جي ڪثرت ڪريو! * ذِڪرُ الله جي ڪثرت ڪريو! * روزا ته فرض آهن، رکڻا ئي رکڻا آهن، ضرور رکو! * سحري ۽ افطاري جي وقت الله پاڪ جي حضور دعائون گُهرو! * رمضان مبارڪ ۾ هُونئن به تهجد پڙهڻ آسان هوندو آهي، هن ڀيري راتيون به وڏيون آهن، تهجد لاءِ اٿڻ آسان ٿي ويندو، تنهنڪري تهجد جي پابندي ڪريو! * اشراق ۽ چاشت جا نفل پڙهو! * اوابين جا نفل پڙهو! * تراويحن جو پورو پورو اهتمام ڪريو! مطلب ته نيڪين مٿان نيڪيون ڪندا رهو!
اِهو اسان جي طرفان الله پاڪ سان محبت جو اظهار هوندو ۽ سُبْحٰنَ اللہ! جڏهن ٻانهو الله پاڪ سان اهڙي طرح محبتن جو اظهار ڪندو آهي، جيڪڏهن الله پاڪ جي بارگاهه ۾ ان جو اِهو اظهارِ محبت قبول ٿي وڃي ته ان جو انعام ڪهڙو ملندو آهي؟ سُبْحٰنَ اللہ! حديث پاڪ ٻڌو! الله پاڪ جي پياري نبي، مڪي مدني، محمد عربي صَلَّی اللہُ عَلَیْہِ وَ آلِہٖ وَ سَلَّم فرمايو: الله پاڪ فرمائي ٿو: ٻانهو جن ذريعن سان منهنجو قرب حاصل ڪندو آهي، انهن ۾ منهنجو سڀني کان پسنديده ذريعو فرائض (مثلاً نماز، روزو، حج، زڪوٰة وغيره) آهن ۽ منهنجو ٻانهو نفلن جي ذريعي منهنجو قرب حاصل ڪندو رهندو آهي، ڪندو رهندو آهي، ايسيتائين جو مان ان سان محبت ڪرڻ لڳندو آهيان، پوءِ جڏهن مان ان سان محبت ڪرڻ لڳندو آهيان ته * مان ان جا ڪَنَ ٿي ويندو آهيان، جن سان هُو ٻڌندو آهي * مان ان جون اکيون ٿي ويندو آهيان، جن سان هُو ڏسندو آهي * مان ان جا هٿ ٿي ويندو آهيان، جن سان هُو پڪڙيندو آهي * مان ان جا پير بڻجي ويندو آهيان، جن سان هُو هلندو آهي، جيڪڏهن هُو مون کان گهرندو آهي ته مان ان کي ڏيندو آهيان، جيڪڏهن هُو منهنجي پناہه گُهرندو آهي ته مان کيس پناہه ڏيندو آهيان. ([1])
هن حديث پاڪ جي جيڪا تشريح علماءِ ڪرام فرمائي آهي، ان جي مطابق