Book Name:Mah e Ramazan Aur Faizan e Muhabbat e Ilahi
اَللہُ اَکْبَر! خوږو او محترمو اِسلامي وروڼو! د الله پاک سره د محبت کمال ته وګورئ! د عبادت د شوق کمال ته وګورئ! د جنګ پۀ حالت کښې دے، د دښمن مقابله کوي، ټول وجود يـې زخمي زخمي دے، پۀ دې حالت کښې هم صحابئ رسول رَضِىَ اللهُ عَـنْهُ روژه نيولې ده۔ د يوې بلې جذبې خبره دا ده چې جنګِ يمامه پۀ رَمَضَانُ المُبَارَک کښې نۀ وو شوے، يعنې حضرت عبد الله بن مَخرَمَه رَضِىَ اللهُ عَـنْهُ فرض نۀ بلکې نفلي روژه نيولې وه۔
سُبْحٰنَ اللہ! دې ته وئيلے شي د الله پاک د محبت فيضان۔۔۔!!
د اِيمان والؤ د الله پاک سره محبت
الله پاک پۀ قرآنِ کريم کښې فرمائي:
وَ الَّذِیْنَ اٰمَنُوْۤا اَشَدُّ حُبًّا لِّلّٰهِؕ- (پارہ:2، سورۀ بقرہ:165)
ترجمهٴ کنزُ العِرفان: او ایمان والا د ټولو نه زيات د الله سره محبت کوي۔
هم دا د الله پاک د هٰغه ډير زيات محبت ظاهريدل دي چې صحابئ رسول رَضِىَ اللهُ عَـنْهُ د جنګ پۀ حالت کښې دے، پۀ سخته کښې راګير دے، د پاک وجود هر يو اندام يـې د الله پاک پۀ لاره کښې تکليف تير کړے دے، اګر که دا پخپله ډير لوئي عبادت دے، د دې سره سره نفلي روژې هم نيسي۔ تاسو لږه اندازه ولګوئ چې د جنګ پۀ حالت کښې چې کله هغوئي زخمي شوے وي، کله چې هغوئي د غير مسلمو سره پۀ جنګيدو جنګيدو زمکې له تشريف وړے وي نو هٰغه وخت به څومره تږے وو؟ وجود به يـې څومره کمزوري محسوسوله؟ خو صحابئ رسول رَضِىَ اللهُ عَـنْهُ دے، د الله پاک سره ډير محبت لرونکے دے، پۀ دې حالت کښې يـې هم روژه ماته نۀ کړه بلکې د روژه ماتي وخت شو، بيا يـې هم روژه ماته نۀ کړے شوه، هم داسې د روژې پۀ حالت کښې د الله پاک پۀ دربار کښې حاضر شو۔
آ بتاؤں کہ کیا، صحابہ ہیں ہم ہیں جن پر فدا، صحابہ ہیں