Book Name:Mah e Ramazan Aur Faizan e Muhabbat e Ilahi
مقصد * زما د سوچونو مرکز * زما د محنتونو مرکز به صرف او صرف هم يو وي، ما له خپل رَبّ راضي کول دي۔
د الله پاک رحمت پۀ منډو راځي
د بُخاري شريف حديثِ پاک دے، زۀ حديث شريف د شرح سره عرض کووم: خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: ستاسو رَبّ فرمائي: کله چې بنده زما طرف ته يو لويشت را نزدې شي نو زما رحمت د هغۀ طرف ته د يو ګز برابر ور نزدې شي، که بنده زما طرف ته د يو ګز برابر را رانزدې شي نو زما رحمت د هغۀ طرف ته د دوه ګزه برابر ور نزدې شي، که بنده زما طرف ته پۀ مزه راځي نو زما رحمت د هغه طرف ته پۀ منډه ورځي ۔
سُبْحٰنَ اللہ! د الله پاک د رحمت نه قربان شم! د رَمَضَانُ المُبَارَک پۀ مياشت کښې خو هسې هم هر ساعت رحمتونه راوريږي، بيا د الله پاک دې کرم ته لږ سوچ اوکړئ چې فرمائي: چې بنده زما طرف ته يوه لويشت را نزدې شي، د الله پاک رحمت د هغۀ طرف ته د يو ګز برابر ور نزدې کيږي، يعنې پۀ دې باندې مونږه پوهه کوې چې اِنسان محنت کم کوي، خپل لږ شان کوشش کوي، د الله پاک رحمت ور وړاندې کيږي او هغه پۀ خپله لـمنه کښې رانيسي۔
پۀ احياءُ العلوم کښې دي: الله پاک د خپل نبي حضرت داؤد عَلَیْهِ السَّلَام طرف ته وحي وليږله، اوئې فرمائيل: اے داؤده! زما نه مخ اړوونکو ته که چرې دا معلومه شي چې زۀ د هغوئي څومره انتظار کووم او پۀ هغوئي باندې څومره مهربانه يم او د هغوئي د ګناه د معاف کولو څومره شوق لرم نو زما د شوق پۀ وجه باندې به هغوئي مړۀ شي او زما د محبت پۀ وجه به د هغوئي جوړونه مات شي۔ اے داؤده! زما دا اراده د هٰغه خلقو پۀ باره کښې ده کوم چې