د ږيرې پۀ باره کښې حُکمونه

(1): يو موټے يعنې څلور ګوتې ږيره پريښودل واجِب ده۔ ^([1]) (2): ږيره خريل يا د يو موټي نه کمول ناجائزه او حرام دي۔ ^([2]) (3): ږيره د يو موټي نه کمول هم پۀ حراميدو کښې د خريلو (يعنې بالکل د صفا کولو) پۀ شان دي۔ اګر که خريل خبيث تَر (يعنې ډير بد) دي۔ ^([3]) (4): د وړې ږيرې ويښته هم پۀ ږيره کښې شامل دي، د دې پرې کول هم جائز نۀ دي۔ ^([4]) (5): د وړې ږيرې (يعنې د لانډې شونډې او د زنې ترمينځه) ويښته که لوئي شي چې د څۀ خوړلو څښلو سره خُلې ته ځي نو بيا هغه پۀ قينچۍ  لږ واړۀ کول جائز دي۔ ^([5])  (6): د شرعي حد (يعنې د يو موټي) نه زيات دومره اوږده ږيره پريښودل چې مخ پرې بد ښکاري، د سُنَّتو خلاف او مکروه دي۔ ^([6]) (7): پۀ ږيره خريونکي يا د يو موټي نه پۀ کمه ساتونکي پسې نـمونځ مکرورهِ تحريمي دے، يعنې کول يـې ګناه او که اوئې کړو نو د هغې واپس راګرځول واجِب دي۔ ^([7]) (8): د ږيرې سپکاوے کول يا پۀ دې پورې خندا کول کُفر دے۔ ^([8]) (9): بريت دومره لوئيول چې خُلې ته راشي حرام او ګناه او د غير مسلو طريقه ده۔ ^([9])