الله بي نياز آهي

پيارا اسلامي ڀائرو! ڏٺو اوهان؟ الله پاڪ ماھِ رَمَضان جي قَدر دان تي ڪيڏو نه مهربان آهي جو سال جا باقي مهينا ڇڏي صرف ماھِ رَمَضان ۾ عبادت ڪرڻ واري جي مغفِرت فرمائي ڇڏي. هن حِڪايت مان ڪٿي ڪو هي نه سمجهي ويهي ته هاڻي ته (معَاذَ اﷲ) سڄو سال نَمازن جي ڇُٽي ٿي وئي! صِرف رمضان ڪريم ۾ روزا ۽ نَماز ادا ڪري وٺنداسون ۽ سڌا جنّت ۾ هليا وينداسين. پيارا اسلامي ڀائرو! دراصل بخشڻ يا عذاب ڪرڻ هي سڀ ڪجهه الله پاڪ جي مشيت تي موقوف آهي. هو بي نياز آهي. جيڪڏهن چاهي ته ڪنهن مسلمان کي بظاهر ننڍي نيڪ عمل تي ئي پنهنجي فضل سان بخشي ڇڏي ۽ جيڪڏهن چاهي ته وڏين وڏين نيڪين جي باوُجُود ڪنهن کي محض هڪ ننڍي گُناھ تي پنهنجي عدل سان پڪڙي. سيپارو:3، سُورت بقره جي آيت نمبر 284 ۾ ارشاد ربِّ ڪريم آهي:

فَیَغْفِرُ لِمَنْ یَّشَآءُ وَ یُعَذِّبُ مَنْ یَّشَآءُؕ   (سيپارو: 3، البقرة: 284)

ترجموڪنزُالعرفان: سو جنهن کي چاهيندو بخشي ڇڏيندو ۽ جنهن کي چاهيندو سزا ڏيندو.

تو بے حساب بخش کہ ہیں بے شُمار جرم

دیتا ہوں واسِطہ تجھے شاہِ حِجاز کا

جنّت جا دروازا کلي ويندا آهن

 پيارا اسلامي ڀائرو! ماهِ رَمَضان ته ڇا ايندو آهي رحمت ۽ جنّت جا دروازا کُلي ويندا آهن، دوزخ کي تالا لڳي ويندا آهن ۽ شيطان قيد ڪيا ويندا آهن.