کي پڪو ڪري ڇڏيو  * يا هي رَمْض مان ٺهيل آهي جنهن جي معنيٰ آهي گرمي يا سڙڻ. ڇو ته ان ۾ مُسلمان بک اُڃ جي تپش برداشت ڪندا آهن يا هي گناهن کي ساڙِي ڇڏيندو آهي، ان ڪري ان کي رَمَضَان چيو ويندو آهي. ^([1]) نبي ڪريم، رؤفٌ رّحيم صَلَّى اللهُ عَلَيْهِ وَاٰلِهٖ وَسَلَّم ارشاد فرمايو: هن مهيني جو نالو رَمَضَان رکيو ويو آهي ڇو ته هي گناهن کي ساڙي ڇڏيندو آهي. ^([2])

سون جي دروازي وارو محل

حضرت ابو سعيد خُدري رَضِىَ اللهُ عَنْهُ  کان روايت آهي، مڪي مدني سلطان صَلَّى اللّٰه عَلَيۡهِ واٰلِهٖ وَسَلَّم جو فرمان آهي: * جڏهن ماھِ رَمَضان جي پهرين رات ايندي آهي ته آسمانن ۽ جنّت جا دروازا کوليا ويندا آهن ۽ آخري رات تائين بند ناهن ٿيندا * جيڪو ڪو به ٻانهو هن ماھِ مبارڪ جي ڪنهن به رات ۾ نَماز پڙهندو آهي ته الله پاڪ ان جي هر سَجْدي جي عِيوَض (يعني بدلي ۾) ان لاءِ 15 سئو نيڪيون لکندو آهي ۽ ان جي لاءِ جنّت ۾ ڳاڙهي ياقُوت جو اهڙو گهر بڻائيندو آهي. جنهن ۾ 60 هزار دروازا هوندا ۽ هر دروازي جا تَاڪ سونَ جا ٺهيل هوندا جن ۾ ڳاڙها ياقوت جَڙيل هوندا * پوءِ ڪو به ماه رَمَضان جو پهريون روزو رکندو آهي ته الله پاڪ مهيني جي آخري ڏينهن تائين ان جا گُناھ مُعاف فرمائي ڇڏيندو آهي ۽ * ان لاءِ صبح کان شام تائين 70 هزار فِرِشتا دُعاءِ مَغفِرت ڪندا رهندا آهن * رات ۽ ڏينهن ۾ جڏهن به هو سَجدو ڪندو آهي ان جي هر سَجْدي جي عِيوَض (يعني بدلي) ان کي (جنّت ۾) هڪ