بيان کي اختتام ڏانهن آڻيندي هڪ شرعِي مسئلو عرض ڪريان ٿو

درست ڇا آهي؟

(درست شرعي مسئلو ۽ عوام ۾ موجود غلط فهمي جي نشاندهي)

مسئلو: آمدِ رمضان تي مبارڪ ڏيڻ جائِز آهي پر ان تي جنّت واجب ويندي آهي، ايئن ڪنهن حديث ۾ ناهي.

 وضاحت: عام طور تي جڏهن رمضان ڪريم جي آمد ٿيندي آهي ته اسان وٽ هڪ ميسج سوشل ميڊيا وغيره تي هلڻ لڳندو آهي، جنهن ۾ ڪجهه اهڙي طرح لکيل هوندو آهي: حديثِ پاڪ ۾ آهي: جنهن سڀ کان پهرين آمدِ رمضان جي مُبارَڪ ڏني، ان لاءِ جنّت واجب ٿي ويندي آهي.

ياد رکو! رمضان ڪريم بيشڪ تمام عظمت وارو مهينو آهي، ان جي آمد تي خوشي ملهائڻ به جائِز آهي، ٻين کي مبارڪ ڏيڻ به جائِز آهي، هن خوشي تي ثواب جي اُمّيد به ڪري سگهجي ٿي ۽ اهو به ممڪن آهي ته اسان جي اهڙي طرح رمضان شريف جي اچڻ تي خوشي ڪرڻ سان رحمتِ اِلٰهي جوش ۾ اچي وڃي ۽ اسان جنّت جا حقدار بڻجي وڃون. البت! هي جيڪو ميسج ۾ لکيل هوندو آهي ته سڀ کان پهرين مُبارَڪ باد ڏيڻ سان جنّت واجب ٿي ويندي آهي، ايئن ڪنهن حديث ۾ ناهي. تنهنڪري اهڙن ڪوڙ تي ٻڌل ميسجن کي اڳتي وڌائڻ کان بچو ۽ جيڪو توهان کي اهڙو ميسج موڪلي، ان کي پيار محبت سان، حڪمتِ عملي سان نيڪي جي دعوت به ضرور ڏيو! بلڪه ٿي سگهي ته اهڙين ڳالهين جي ڀرپور ڪاٽ ڪرڻ گهرجي. حديثِ پاڪ