Book Name:Faizan e Ramazan
جي باھ کان بچائي سگهي. پوءِ توهان ماھِ رَمَضان جي معاملي ۾ ڊڄو ڇو ته جيئن هن مهيني ۾ ٻين مهينن جي مقابلي ۾ نيڪيون وڌايون وينديون آهن اهڙي طرح گناهن جو به مُعاملو آهي. ([1])
پيارا اسلامي ڀائرو! ڏَڪي وڃو! ماھِ رَمَضان جي ناقَدري کان بچڻ جو خُصُوصِيَّت سان سامان ڪيو. هن مبارڪ مهيني ۾ ٻين مهينن جي مقابَلي ۾ جنهن طرح نيڪيون وڌائي ڏنيون وينديون آهن اهڙي طرح ٻين مهينن جي مقابَلي ۾ گناهن جون هلاڪتون به وڌي وينديون آهن. رَمَضان ڪريم جي مهيني ۾ شراب پيئڻ وارو ۽ زِنا ڪرڻ وارو ته اهڙو بد نصيب آهي جو ايندڙ رَمَضان کان پهريائين مري ويو ته هاڻي ان وٽ ڪا نيڪي اهڙي نه هوندي جيڪا ان کي جهنّم جي باھ کان بچائي سگهي. ياد رکو! اکين جي زِنا بدنظري، هٿن جي زِنا اَجْنبيه کي (يا شهوت سان اَمرَد کي) ڇُهڻ آهي لهٰذا خبردار! خبردار! خبردار! رَمَضان ڪريم جي مهيني ۾ خاص ڪري پنهنجي پاڻ کي بد نظري کان بچايو. ڪوشش ڪري اکين جو قفلِ مدينه لڳائي وٺو يعني نگاهون جهڪائي رکڻ جي ڀرپور ڪوشش ڪيو. افسوس! صد هزار افسوس! ڪڏهن ڪڏهن نمازي ۽ روزيدار به ماھ رَمَضان جي بي حُرمتي ڪري قَهّار جي غضب جو شِڪار ٿي عذابِ نار ۾ گَرِفتار ٿي ويندا آهن.