کڻي مٽيءَ جي ھنج ۾ سمهاري ڇڏيندو. هر طرح جي عيش و آرام وارن ڪمرن مان ڪڍي انڌيري قَبرن ۾ پهچائي ڇڏيندو، پوءِ پڇتائڻ کان ڪجهه هٿ نه ايندو. اڃا موقعو آهي، گُناهن کان سچي توبه ڪري وٺندا ۽ روزي ۽ نَماز جي پابندي اِختيار ڪيو.

کرلے تَوْبَہ ربّ کی رحمت ہے بڑی

قبر میں ورنہ سزا ہوگی کڑی

سڄي سال جون نيڪيون برباد

 حضرت عبدُ اللہ ابنِ عبّاس رَضِیَ اللهُ عَنْہما کان مروي آهي ته نبين جي سُلطان، رحمتِ عالم صَلَّى اللّٰه عَلَيۡهِ واٰلِهٖ وَسَلَّم جو فرمان آهي: بيشڪ جنّت ماھِ رَمَضان لاءِ هڪ سال کان ٻئي سال تائين سجائي ويندي آهي، پوءِ جڏهن ماھِ رَمَضان ايندو آهي ته جنّت چوندي آهي: اي الله پاڪ! مون کي هن مهيني ۾ پنهنجي ٻانهن مان (منهنجي اندر) رهڻ وارا عطا فرماءِ، ۽ حُورِ عين چونديون آهن: اي الله پاڪ! هن مهيني ۾ اسان کي پنهنجي ٻانهن مان مڙس عطا فرماءِ، پوءِ سرڪارِ مدينه صَلَّى اللهُ عَلَيْهِ وَاٰلِهٖ وَسَلَّم ارشاد فرمايو: جنهن هن مهيني ۾ پنهنجي نفس جي حفاظت ڪئي، نه ڪا نشي آور شيءِ پيتي، نه ڪنهن مؤمن تي ڪو بهتان مڙهيو ۽ نه ئي هن مهيني ۾ ڪو گناهه ڪيائين، ته الله پاڪ هر رات جي بدلي ان جو نڪاح سؤ حورن سان فرمائيندو ۽ ان لاءِ جنت ۾ سون، چاندي، ياقوت ۽ زبرجد جو اهڙو محل بڻائيندو، جو جيڪڏهن سڄي دنيا گڏ ٿي ان محل ۾ اچي وڃي ته اها ان محل جي رڳو ايتري ئي جڳھ والاريندي جيترو ٻڪرين جو هڪ واڙو دنيا جي جاءِ گهيريندو آهي ۽ جنهن هن مهيني ۾ ڪا