افسوس جو اڄ اهي برائيون عام ٿي چڪيون آهن. تڪبر، غرور ۽ لالچ عام آهن. جهڙوڪ * توکي خبر آهي مان ڪير آهيان؟ چئي ٻين کي حقير سمجهيو ويندو آهي * چار پيسا کيسي ۾ اچي وڃن ته غريب بُرا لڳڻ شروع ٿي ويندا آهن * ڪنهن گهٽ رتبي واري کي گڏ ويٺو ڏسندي بُرو لڳندو آهي * اهڙي طرح لالچ جو هي عالَم آهي جو ڪجھ پيسن خاطر ماڻهو ماپ تور ۾ گهٽتائي ڪندا آهن، خريد و فروخت ۾ ٺڳيون ڪندا آهن، چوريون ڌاڙا عام آهن، حرص جي لالچ ۾ وياجي ڏي وٺ به ٿيندي آهي، دوکا به ڏنا ويندا آهن، لالچ جي ڪري نمازون به قضا ڪيون وينديون آهن * حبِ جاھ يعني شهرت ۽ منصب جي لالچ ۾ ماڻهو چند ويوز (Views) ۽ سٺين سيلفين (selfies) لاءِ پنهنجي جان به خطري ۾ وجهي ڇڏيندا آهن، ڇا ٻار، ڇا پوڙها بلڪه هاڻي ته گهرن جون عورتون به ريلز (Reels) وغيره بڻائڻ ۾ لڳي ويون آهن، الله پاڪ اسان جي حال تي رحم فرمائي. معاشري جي جيڪي حالت ٿيندي پئي وڃي، بس هيءَ ئي دعا ڪري سگهون ٿا:  

اے خاصۂ خاصانِ رُسُل وقتِ دُعا ہے

اُمّت پہ تری آ کے عجب وقت پڑا ہے

فریاد ہے اے کشتی امت کے نگہباں

بیڑا یہ تباہی کے قریب آن لگا ہے

(1) : تڪبر الله پاڪ کي پسند ناهي

   پيارا اسلامي ڀائرو! اهي چار بُرائيون ختم ڪري اسان الله پاڪ جو قرب ماڻي سگهون ٿا، آخرت ۾ ڪامياب ٿي سگهون ٿا، انهن مان پهرين برائي آهي: تڪبر.

 الله پاڪ فرمائي ٿو:

اِنَّهٗ لَا یُحِبُّ الْمُسْتَكْبِرِیْنَ(۲۳) (سيپارو: 14، النحل: 23)

ترجمو ڪنزُ العرفان: بيشڪ اهو وڏائي ڪندڙن کي پسند نٿو ڪري.