چار بُرائين جي نشاندهي

Al Quran Books Madani Channel

Magazine Courses Media

4 پکين ۾ 4 برائيون

پيارا اسلامي ڀائرو! حضرت ابراهيم عَلَیْهِ السَّلَام جن 4 پکين کي چونڊيو ۽ پوءِ انهن کي ذبح فرمايو، چونڊ به حڪمت کان خالي نه هئي، بلڪه سکڻ جي لاءِ ان ۾ سبقَ آهن، علماءِ ڪرام فرمائن ٿا: هي 4 پکي (1): مور (2): ڪڪڙ (3): ڪبوتر (4): ۽ ڳِجھ جيڪي حضرت ابراهيم عَلَیْهِ السَّلَام ذبح فرمايا، ته انهن چئن پکين ۾ 4 برائيون پاتيون وينديون آهن، هن واقعي ۾ اشارو آهي ته جيستائين ماڻهو پاڻ مان اهي چار برائيون ختم نٿو ڪري، تيستائين کيس دل تان پردا نٿا هٽي سگهن، نه ئي اهو ايمان جي اعليٰ منزل تائين پهچي سگهي ٿو.^{(^[1])}

اهي 4 برائيون ڪهڙيون آهن؟ ٻڌو!*پهريون پکي آهي: مور. هي ڏاڍو سهڻو پکي آهي، ان جا پرَ نهايت ئي خوبصورت هوندا آهن ۽ شايد پکين مان سڀني کان سهڻو به اهو ئي آهي پر ان ۾ هڪ خراب عادت آهي ته ان کي پنهنجي حُسن تي تمام گهڻو ناز هوندو آهي*ڳِجَھه. هي هڪ تمام بدنام پکي آهي، هي مردار کائيندو آهي، ان ۾ بُري خصلت هي آهي ته ان ۾ حرص ۽ لالچ تمام گهڻي ڀريل هوندي آهي*ڪڪڙ ۾ بُري خصلت هي آهي ته ان ۾ شهوت (يعني نفساني خواهش) وڌيڪ هوندي آهي*ڪبوتر ۾ بُري صفت هيءَ آهي ته هن کي پنهنجي مٿانهين اڏامَ تي غرور هوندو آهي.

عالمَ سڳورا لکن ٿا: ته جيڪڏهن ڪو ماڻهو پاڻ مان اهي چار ئي بُريون صفتون ذبح ڪري ڇڏي يعني*پنهنجي اندران تڪبر بلڪل ختم ڪري ڇڏي*نفساني خواهشن تي ڪنٽرول حاصل ڪري*دنياوي لالچ کي دل مان ڪڍي ڇڏي*جيڪڏهن عهدي ۽ منصب جي خواهش دل ۾ هجي ته ان کي ختم ڪري ڇڏي ته اِنْ شَآءَ اللہُ الْکَرِیْم! ان کي بُلند درجات نصيب ٿيندا ۽ دل معرفت جي نور سان ڀرجي ويندي. ^{(^[2])}

[1]... تفسیرِ قشیری، پارہ:3، سورۂ بقرہ، زیرِ آیت:260، جز:1، جلد:1، صفحہ:166 بتغیرقلیل ۔

[2]... تفسیر جمل،پارہ:3،سورۂ بقرۃ،زیرِ آیت: 260،جلد: 1، صفحہ:327-329مفہوماً۔

Important

Mobile Apps

Contact Us