رمضان ۾ هن مهيني جي فضيلتن، عملن ۽ روزي جي مسئلن کي نهايت ئي آسان انداز ۾ تحرير فرمايو آهي. هي ڪتاب هر فرد جي ضرورت آهي. توهان هي ڪتاب مڪتبةُ المدينه جي ڪنهن به شاخ تان 1000 روپين ۾ حاصل ڪري سگهو ٿا يا دعوتِ اسلامي جي ويب سائيٽ www.dawateislami.net تان مفت ڊائون لوڊ ڪريو ۽ ٻين کي به ان جي ترغيب ڏياريو رمضان ڪريم جي خوشي ۾ گهرن کي سجائڻ لاءِ مختلف قسمن جون لڙيون ۽ دلڪش ڊيزائن جا پينافليڪس مڪتبةُ المدينه تان قيمتاً حاصل ڪريو، پينافليڪس آرڊر تي به تيار ڪرايا ويندا.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

   پيارا اسلامي ڀائرو! بَيان کي اِختِتام ڏانهن آڻيندي سُنّت جي فضيلت، ڪجھ سُنّتون ۽ آداب بَيان ڪرڻ جي سَعادَت حاصِل ڪيان ٿو۔ تاجدارِرسالت، شَهنشاھ نُبُوت صَلَّى اللهُ عَلَيْهِ وَاٰلِهٖ وَسَلَّم فرمايو: مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ جنهن منهنجي سُنّت سان مَحَبَّت ڪئي ان مون سان مَحَبَّت ڪئي ۽ جنهن مون سان مَحَبَّت ڪئي اهو جنّت ۾ مون سان گڏ هوندو. ^([1])

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

سینہ تیری سُنّت کا مدینہ بنے آقا!     جنت میں پڑوسی مجھے تم اپنا بنانا

پاڻي پيئڻ جون سنتون ۽ آداب

   فرمانِ آخري نبي صَلَّى اللهُ عَلَيْهِ وَاٰلِهٖ وَسَلَّم: اٺ وانگر هڪ ئي ساھ ۾ نه پيو پر ٻه يا ٽي ڀيرا (ساھ کڻي) پيو ۽ پيئڻ کان اڳ بسم الله پڙهو ۽ پيئڻ کانپوءِ الحمد لله چوندا ڪريو!. ^([2])