Book Name:4 Buraiyon Ke Nishandahi
پيارا اسلامي ڀائرو! ٽئين برائي آهي: نفساني خواهشن جي پيروي. اڄوڪي هن پرفتن دور ۾ نفساني خواهشن کي ضابطي ۾ رکڻ به تمام ضروري آهي، نه ته هيءَ وڏن وڏن کي تباهه و برباد ڪري ڇڏيندي آهي. تاريخ ۾ اهڙا ڪيترائي واقعا ملن ٿا ته جيڪي ماڻهو وڏا عبادت گذار مڃيا ويندا هئا، انهن سان نفساني خواهشن اهڙي راند کيڏي جو سندن نيڪ عمل برباد ٿي ويا ۽ اهي ڪٿان کان ڪٿي پهچي ويا.
بني اسرائيل ۾ هڪ عابد (عبادت گذار) هو جنهن جون دعائون رد نه ٿينديون هيون، ماڻهو پنهنجن مريضن کي وٽس آڻيندا هئا، هو دعا ڪندو هو ته اهي صحتياب ٿي ويندا هئا. هڪ ڀيرو علاج لاءِ بادشاهه جي ڌيءَ کي وٽس ڇڏيو ويو، هو ان جو علاج ڪندو رهيو ايتري تائين جو شيطان ان جي دل ۾ برائي وڌي ۽ نه ڪرڻ جهڙو ڪم ٿي ويو. هن خوف جي ڪري ڇوڪريءَ کي قتل ڪري دفن ڪري ڇڏيو. شيطان انساني شڪل ۾ بادشاهه وٽ ويو ۽ کيس ان واقعي کان آگاهه ڪري قبر بابت به ٻڌائي ڇڏيو. جيئن ته بادشاهه زمين کوٽائي ته لاش برآمد ٿيو. هاڻي جڏهن سزا طور ان عابد کي ڦاهيءَ تي لٽڪايو وڃڻ لڳو ته شيطان وٽس آيو ۽ چوڻ لڳو: مان توکي ان کان نجات ڏياري سگهان ٿو پر شرط اها آهي ته تون مونکي سجدو ڪر. عابد شيطان کي سجدو ڪيو ته شيطان زور سان کِلي ڏنو ۽ چيائين: منهنجو توسان ڪو واسطو ناهي. پوءِ ان بدنصيب عابد کي ڦاهيءَ تي لٽڪايو ويو. ([1])
غور ڪريو! نفساني خواهش کي قابو ۾ نه رکڻ جي ڪري بدنصيب عابد پنهنجي دنيا ۽ آخرت برباد ڪري ويٺو. بدقسمتيءَ سان اڄڪلهه حالات ايترا خراب ٿي ويا آهن جو جيڪڏهن ڪو هن دور ۾ گناهه کان بچيل آهي ته شايد ان ڪري جو کيس گناهه ڪرڻ جو موقعو ناهي مليو، يا هو ان ڳالهه کان ڊڄي ٿو ته ڪٿي بي عزتي نه ٿي وڃي، نه ته جيڪڏهن بلڪل کُلي اجازت ملي