Book Name:4 Buraiyon Ke Nishandahi
اَلۡـحَـمۡـدُ لـِلّٰـہِ رَبِّ الۡـعٰـلَـمِیۡنَ ؕ وَ الـصَّـلٰـوۃُ وَالـسَّـلَامُ عَـلٰی خَاتَمِ النَّبِیِّن ؕ
اَمَّـا بَــعۡـدُ فَـاَعُـوۡذُ بِـا لـلّٰـہِ مِـنَ الـشَّـیۡـطٰنِ الـرَّجِیۡمِ ؕ بِـسۡمِ الـلّٰـہِ الـرَّحۡـمٰنِ الـرَّحِـیۡمِ ؕ
وَعَلٰي اٰلِكَ وَاَصۡحٰبِكَ يَا حَبِيۡبَ اللّٰه اَلصَّلٰوةُ وَالسَّلَامُ عَلَيۡكَ يَا رَسُوۡلَ اللّٰه
وَعَلٰي اٰلِكَ وَاَصۡحٰبِكَ يَا نُوۡرَ اللّٰه اَلصَّلٰوةُ وَالسَّلَامُ عَلَيۡكَ يَا نَبِيَّ اللّٰه
نَوَيۡتُ سُنَّتَ الۡاِعۡتِكَافِ (ترجمو: مون سنّتِ اعتڪاف جي نيّت ڪئي)
هڪ بزرگ جهنگ ۾ سفر ڪري رهيا هئا ته رات ٿي وئي. هر طرف خوفناڪ جانور گهمي رهيا هئا، کين خوف محسوس ٿيو ته اوچتو کين هيءَ حديثِ پاڪ ياد آئي جيڪو هڪ ڀيرو درود شريف پڙهندو آهي، الله پاڪ ان تي 10 رحمتون نازل فرمائيندو آهي، انهن بزرگن درود شريف پڙهيو ۽ هڪ هنڌ سمهي پيا، سڄي رات سڪون سان گذري ۽ ڪو به جانور کين ويجهو ئي نه آيو پوءِ (ان حديث بابت) انهن فرمايو: مون درود شريف ان ڪري پڙهيو هو ته جيئن الله پاڪ جون 10 رحمتون مون کي گهيري وٺن، ۽ جڏهن الله پاڪ جون رحمتون مون کي گهيري وٺنديون ته پوءِ ڪنهن جانور جي ڪهڙي مجال جو هو منهنجي طرف اک کڻي به ڏسي. ([1])
پيارا اسلامي ڀائرو! هي سڀ ايمان جي مضبوطي تي ٻڌل هوندو آهي. توهان ان بزرگ رَحْمَةُ الـلّٰـهِ عَـلَيْه جي ايمان جي مضبوطي ملاحظه فرمائي، جڏهن ته اسان جي حالت هيءَ آهي جو اسان اَلْحَمْدُ لِلّٰہ! مؤمن ته آهيون پر اسان جو ڌيان ظاهري سببن ڏانهن وڌيڪ هوندو آهي. الله پاڪ اسان جو ايمان به مضبوط فرمائي.
پيارا اسلامي ڀائرو! ماهِ شعبان يعني درود و سلام جو مهينو جاري آهي. سرڪارِ غوثِ اعظم، شيخ عبدالقادر جيلاني رَحْمَةُ الـلّٰـهِ عَـلَيْه فرمائن ٿا: