د څلورو بدو پيژندګلو

فریاد ہے اے کشتی امت کے نگہباں

بیڑا یہ تباہی کے قریب آن لگا ہے

خوږو او محترمو اِسلامي وروڼو! هٰغه څلور بد خاصيتونه د کومو پۀ ختمولو چې مونږ د الله پاک قُرب حاصلولے شو، پۀ اخرت کښې کاميابيدے شو۔ پۀ هغې کښې د ټولو نه وړومبے بد خاصيت دے: تکبر۔

الله پاک فرمائي:

اِنَّهٗ لَا یُحِبُّ الْمُسْتَكْبِرِیْنَ(۲۳)(پارہ:14، سورۀ النحل:23)

ترجمهٴ کنزُ العِرفان: بے شکه هغه تکبر کوونکي نۀ خوښوي۔

د نبيانو نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: الله پاک تکبر کوونکي او پۀ غرور سره ګرځيدونکي نۀ خوښوي۔ ⁽^{^[1]}⁾

بد ترين اِنسان

حضرت خُذَيفه رَضِىَ اللهُ عَـنْهُ فرمائي: يو ځل مونږ د محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم سره پۀ يوه جنازه کښې شريک وو، نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: آيا زۀ تاسو ته د الله پاک د بد ترين بنده پۀ باره کښې اونه وايم؟ اوئې فرمائيل: هغه بد اَخلاقه او تکبر کوونکے دے۔ بيا يـې وفرمائيل: آيا زۀ تاسو ته د الله پاک د بهترين بنده پۀ باره کښې اونه وايم۔ اوئې فرمائيل: هغه کمزورے ګڼلے کيدونکے، د زړو جامو والا اِنسان دے، که پۀ څۀ خبره باندې قَسم وخوري نو الله پاک د هغۀه قَسم پوره کوي۔ ^{(^[2])}

[1]... کنزالعمال، کتاب الاخلاق، حرف الکاف الکبر والخیلاء، جز:3، صفحہ:210، حدیث:7727 ملخصاً۔

[2]... مسند احمد، مسند الانصار، جلد:9، صفحہ:540، حدیث:24101 ملتقطاً۔

Important

Mobile Apps

Contact Us