Book Name:4 Buraiyon Ke Nishandahi
د څلور واړو مرغو قيمه يو ځائے کيدل شروع شوه، هډوکي د يو بل سره انښتل شروع شول او پۀ لږ ساعت کښې څلور واړه مرغۍ تيارې شوې بيا هٰغه څلور واړه راوالوتلې او د خپلو خپلو سرونو سره پيوستې شوې او دانې يـې خوړلې او پۀ خپله خپله ژبه کښې يـې چغار شروع کړو۔ حضرت اِبراهيم خليلُ الله عَلَیْهِ السَّلَام چې کله دا خوندور منظر وليدو نو د هغوئي زړۀ ته اِطمينان او قرار حاصل شو۔
دا ټول مضمون الله پاک پۀ دريمه سيپارهِ د سورۀ بقره پۀ آيت نمبر: 260 کښې څۀ داسې بيان کړے دے:
وَ اِذْ قَالَ اِبْرٰهٖمُ رَبِّ اَرِنِیْ كَیْفَ تُحْیِ الْمَوْتٰىؕ-قَالَ اَوَ لَمْ تُؤْمِنْؕ-قَالَ بَلٰى وَ لٰكِنْ لِّیَطْمَىٕنَّ قَلْبِیْؕ-قَالَ فَخُذْ اَرْبَعَةً مِّنَ الطَّیْرِ فَصُرْهُنَّ اِلَیْكَ ثُمَّ اجْعَلْ عَلٰى كُلِّ جَبَلٍ مِّنْهُنَّ جُزْءًا ثُمَّ ادْعُهُنَّ یَاْتِیْنَكَ سَعْیًاؕ-وَ اعْلَمْ اَنَّ اللّٰهَ عَزِیْزٌ حَكِیْمٌ۠(۲۶۰) (پارہ:3، سورۀ بقرہ:260)
ترجمهٴ کنزُ العِرفان: او چې کله ابراهيم عرض اوکړو: اے زما رَبـه! تۀ ما ته را واښائې چې تۀ به مړي څنګه ژوندي کوې؟ الله وفرمائيل: آيا تۀ يقين نۀ لرې؟ ابراهيم عرض اوکړو: يقين ولې نۀ لرم خو دا (غواړم) چې زما زړۀ ته قرار حاصل شي. الله وفرمائيل: نو پۀ مرغو کښې يو څلور مرغۍ اونيسه بيا هغه ځان سره عادت کړه بيا د هغه ټولو يوه يوه ټُکړه په هر غر باندې کيږده بيا هغوئي را اوبله نو هغوئي به ستا خوا ته پۀ منډه منډه راشي او پوهه شه چې الله غالِب حِکمت والا دے۔
خوږو او محترمو اِسلامي وروڼو! تاسو وکتل چې الله پاک حضرت اِبراهيم عَلَیْهِ السَّلَام ته د خپل قدرت څومره عظيم الشانه نظاره وښودله! بے شکه چې د الله پاک قُدرت کامِل دے، هغه چې څۀ غواړي کولے شي او هغه پۀ هر څيز باندې قُدرت لرونکے دے۔
سب کا پیدا کرنے والا، میرا مولیٰ! میرا مولیٰ!
سب سے اَفْضَل سب سے اَعلیٰ میرا مولیٰ! میرا مولیٰ!