اعتکاف هم کولے شي، تاسو هم کوشش اوکړئ! د دې سره سره د ټولې مياشتې اِعتکاف هم کولے شي۔ دا ځل به پۀ ټول پاکستان کښې پۀ 29 ځايونو او پۀ ټوله دُنيا کښې پۀ 130 ځايونو کښې د ټولې مياشتې اِعتکاف کولے شي۔ تاسو هم د ټولې مياشتې د اعتکاف سعادت حاصل کړئ! بلکې پۀ عالمي مَدَني مرکز فيضانِ مدينه (کراچۍ) کښې اعتکاف اوکړئ! چې هلته به مو د شيخِ طريقت، اميرِ اهلِسُنَّت مولانا محمد الياس قادري دَامَتْ بَرَکَاتُہُمُ الْعَالِیَه د وخت د يو کامِلي وَلي سره د اعتکاف کولو سعادت نصيب شي نو د دې برکتونه به هُم جدا وي۔ اِنْ شَآءَ اللہُ الْکَرِیم! پۀ رَمَضَانُ المُبَارَک کښې به د ګناهونو نه د بچ کيدو، د نيکو کولو، د نفل عبادتونو شوق زياتيدو سره سره ډير عِلمِ دِين هم زده کړئ۔

د دعوتِ اِسلامي د يوې شعبې تعارف: د کفن دفن شعبه

خوږو او محترمو اِسلامي وروڼو! دا وخت د مسلمانانو حالت ډير عجيبه دے۔ د عِلمِ دِين نه د محرومۍ پۀ وجه اوس حالت داسې شوے دے چې که پۀ يو کور کښې مړے وشي نو که کور والا وي او که بهر والا څوک هم مړي ته د غسل ورکولو د پاره تيار نۀ وي۔ حالانکې د دې هم ډير فضيلت دے پۀ حديثِ پاک کښې راغلي دي: څوک چې مړے ولـمبوي، کفن ورته واغوندي، خوشبوئي پرې ولګوي، جنازه يـې اوچته کړي، نـمونځ پرې اوکړي او کوم جسماني عيب چې پۀ نظر راشي هغه پټ کړي، هغه د ګناهونو نه هم داسې پاکيږي لکه څنګه چې د پيدائش پۀ ورځ وو۔ ^([1])

پۀ داسې موقع باندې د غسل د پاره راغوښتلے شوي خلق هم عام طور د سُنَّتو او د ادابو نه خبر نۀ وي، کوم چې ډير پۀ ناترسۍ سره مړي له غسل ورکوي ۔ د اخري نبي، مکي مَدَني صَلَّى اللهُ عَلَيْهِ وَاٰلِهٖ وَسَلَّم د غم زپلي اُمت د خير خواهۍ د پاره دعوتِ اِسلامي يوه شعبه کفن دفن جوړه کړې ده۔