Book Name:4 Buraiyon Ke Nishandahi
کوم شرم وي، د هٰغه شرم او پښيمانتيا سره به څۀ کوو۔۔۔!! آه! هٰغه وخت به چرته پټيږو۔۔۔!! کاش چې مونږ د دُنيا نۀ بلکې د اخرت غوښتونکي جوړ شو۔
(3): د نفس د خواهشاتو تابعداري
خوږو او محترمو اِسلامي وروڼو! دريم بد خاصيت دے: د نفس د خواهشاتو تابعداري۔ د فتنو نه پۀ دې ډک دور کښې د نفس خواهشات قابو کول هم ډير ضروري دي، ګنې دا ډير غټ غټ خلق هلاک او تباه کوي۔ پۀ تاريخ کښې داسې ډيرې واقعې ميلاؤيږي چې کوم خلق به ډير عبادت ګزار منلے کيدل د هغوئي سره د نفس خواهشاتو داسې لوبې اوکړې چې د هغوئي نيک اعمال برباد شول او هغوئي د کوم ځائے نه کوم ځائے ته ورسيدل۔
پۀ بني اسرائيلو کښې يو عابِد (عبادت ګزار) وو، د هغۀ دعاګانې به نۀ رد کيدلې، خلقو به خپل مريضان هغۀ له راوستل او هغۀ به چې دُعا کوله نو صحت مند کيدل به۔ يو ځل د عِلاج د پاره د بادشاه لور د هغۀ پۀ خوا کښې پريښودے شوه، هغۀ يـې عِلاج کولو د دي پوري چې شيطان د هغۀ پۀ زړۀ کښې بدي ورواچوله او نۀ کولو والا کار وشو۔ شيطان پۀ اِنساني شکل کښې د بادشاه خوا لاړو او هغه يـې د ټولې واقعې نه خبر کړو او د قبر پۀ باره کښې يـې ورته هم ووئيل، بادشاه چې زمکه وکنستله نو مړے وموندے شو۔ بيا چې کله د سزا پۀ توګه هٰغه عابِد له پانسي ورکولے کيده نو شيطان د هغۀ خوا له راغلو او اوئې وئيل: زۀ تا ته د دې نه نجات درکولے شم خو شرط دا دے چې تۀ ما ته سجده اوکړې۔ عابد چې شيطان ته سجده اوکړه نو شيطان ښه پۀ کړس کړس وخاندل او اوئې وئيل: زما ستا سره هيڅ تعلق نشته۔ بيا هغه بد نصيبه عابِد پۀ دار کړے شو۔ ([1])