اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! صحابۀ کرام رَضِىَ اللهُ عَـنْهُم زمونږه آئيډيل (Ideal) دي، زمونږ د پاره بهترينې نمونې دي، د هغوئي به هم پۀ خپل مينځ کښې مقابلې وې، هغوئي به هم د يو بل نه د مخکښې کيدو کوشش کولو۔ خو پۀ کومو معاملو کښې * پۀ نفلي روژو کښې * د الله پاک پۀ لار کښې پۀ خرچ کولو کښې * پۀ عبادتونو کښې، لکه څنګه چې د مسلمانانو دويم خليفه حضرت عمر فاروقِ اعظم رَضِىَ اللهُ عَـنْهُ پۀ غزوه تَبوک کښې د کور نيم مال د خيرات کولو د پاره راوړو نو د مسلمانانو وړومبي خليفه حضرت اَبُو بکر صِدِّيق رَضِىَ اللهُ عَـنْهُ د کور ټول مال راوړو۔ ^([1]) * پۀ صحابۀ کرامو رَضِىَ اللهُ عَـنْهُم کښې به د پلار او ځوي پۀ مينځ کښې پۀ جهاد کښې د شرکت کولو د پاره بحث کيدلو، هر يو به وئيل چې زۀ به شرکت کووم تۀ پۀ کور کښې پاتې شه، د دې پورې چې معذوره صحابۀ کرام رَضِىَ اللهُ عَـنْهُم به هم د الله پاک پۀ لاره کښې د شهادت د پاره نا قلاره اوسيدل۔ ^([2]) د غريبۍ او د بے وسۍ پۀ وجه به پۀ جهاد کښې شرکت نۀ کوونکي ژړيدل۔ يو صحابي رَضِىَ اللهُ عَـنْهُ که به چرې د نيمې شپې عبادت کولو نو بَل به ټوله شپه، که يو به د قرآنِ کريم دريمه  حصه تلاوت کولو نو بَل به د نيم قرآنِ کريم تلاوت کولو۔ ^([3])

کاش چې مونږ د دُنيا نۀ بلکې د اخرت طلب ګاران جوړ شو، پۀ دُنياکښې که عزت ميلاؤ هم شي، شهرت نصيب هم شي خو که د دې پۀ بدل کښې اخرت لاړو نو څۀ فائده، دلته هر څۀ فاني دي، د يو څو ورځو لوبه ده، آه! د قيامت هٰغه وحشت ناکه ورځ۔۔۔!! مخکښيني وروستني به ټول حاضر وي، قهر سره به مخامخ کيدل وي، هٰغه وخت که چرې اعمال نامه کولاو کړے شوه، پۀ هغې کښې تش ګناهونه راوختل نو هٰغه وخت چې به